İtaliyanın məşhur turizm şəhəri olan Florensiya, şəhər mərkəzində tıxac və vizual çirklənmə ilə bağlı artan şikayətlərdən sonra 50 küçədə açıq havada yemək yeməyi qadağan etməyə hazırlaşır. UNESCO tərəfindən qorunan tarixi mərkəzdə kafe və restoranlar üçün açıq havada oturacaqlara qoyulan məhdudiyyətlər gələn il qüvvəyə minəcək.
Elchi.az xəbər verir ki, şəhərin böyük meydanları və İntibah dövrü heykəlləri artıq yemək masalarından görünməyəcək. Yerli sakinlər dar küçələrdəki masalar və stulların “maneə yolu” yaratdığını iddia edirlər, müəssisələr isə qərarın onların biznesinə mənfi təsir göstərəcəyini deyirlər.
The Times qəzetinin məlumatına görə, qadağa tamamilə 50 küçəyə tətbiq olunacaq və 70-dən çox ərazidə daha sərt qaydalarla tətbiq olunacaq.
Müəssisələr narahatdır
Piazza della Sinyoria-dakı Ristorante Pizzeria Il David restoranının sahibi Daniela qərarın onun restoranına təsir edə biləcəyini söyləyərək dedi: “Açıq havada oturacaqlarımız bizim üçün vacibdir”. O, Palazzo Vecchio yaxınlığındakı açıq əraziyə təxminən 60 stul qoyduqlarını söylədi. “Nəsə dəyişəcək, amma hazırda nə olacağını bilmirik”, – deyə o bildirib.
Qadağın bir hissəsi olaraq, Ponte Vecchio, Piazzale degli Uffizi və Uffizi Qalereyası ətrafında açıq hava oturacaqları da yığışdırılacaq. 73 müxtəlif yerdə çətirlərin və pleksiglas şüşələrin istifadəsinə sərt qaydalar tətbiq olunacaq. Bəzi tarixi meydanlarda plastik hava qalxanlarının tamamilə yığışdırılması nəzərdən keçirilir.
Bələdiyyə həmçinin restoranları icazə verilən əraziləri ayırmaq üçün ot kimi xalçalardan istifadə etməyə təşviq edir.
Şayəstə
