Kiprdə 5,2 bal gücündə zəlzələdən sonra 37 dəqiqə ərzində səkkiz afterşok qeydə alınıb.
Elchi.az xəbər verir ki, bu barədə Avropa-Aralıq dənizi Seysmoloji Mərkəzinin (EMSC) məlumatında deyilir.
EMSC-nin məlumatına görə, afterşokların ən güclüsü əsasdan 10 dəqiqə sonra qeydə alınıb. Onun maqnitudası 4,7 olub.
Zəlzələ nəticəsində itki və ya dağıntı barədə məlumat verilməyib. Zəlzələ səbəbindən adanın bir neçə ərazisində telefon əlaqəsi qısa müddətə kəsilib.
Noyabrın 11-də yerli vaxtla saat 11:31-də Kiprdə 5,2 bal gücündə zəlzələ baş verib. EMSC-nin məlumatına görə, seysmik hadisənin episentri təxminən 200.000 insanın yaşadığı paytaxt bölgəsi olan Limassoldan 54 km şərqdə yerləşib. Mənbə 10 km dərinlikdə yerləşib.
Məryəm
