Bakı şəhərinin sosial-iqtisadi inkişafı istiqamətində strateji əhəmiyyətli şəhərsalma təşəbbüslərinin dəstəklənməsi üzrə İşçi qrupu yaradılıb.
Elchi.az xəbər verir ki, bu barədə Baş nazir Əli Əsədov sərəncam imzalayıb.
Sərəncama əsasən, Baş nazirin müavini Samir Şərifov işçi qrupun rəhbəri, iqtisadiyyat naziri Mikayıl Cabbarov, Dövlət Şəhərsalma və Arxitektura Komitəsinin sədri Anar Quliyev isə İşçi qrupun rəhbərinin müavinləri təyin olunublar.
Bakı Şəhər İcra Hakimiyyətinin başçısı Eldar Əzizov, Azərbaycan Dövlət Su Ehtiyatları Agentliyinin sədri Zaur Mikayılov, ekologiya və təbii sərvətlər nazirinin birinci müavini Rəşad İsmayılov, maliyyə nazirinin birinci müavini Anar Kərimov, rəqəmsal inkişaf və nəqliyyat nazirinin müavini Rəhman Hümmətov, fövqəladə hallar nazirinin müavini Adil Abdullayev, Azərbaycan Dövlət Neft Şirkətinin prezidenti Rövşən Nəcəf, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov, “Azərenerji” Açıq Səhmdar Cəmiyyətinin İdarə Heyətinin sədri Balababa Rzayev, “Azərişıq” Açıq Səhmdar Cəmiyyətinin sədri Vüqar Əhmədov, “Azəristiliktəchizat” Açıq Səhmdar Cəmiyyətinin sədri İlham Mirzəliyev və İqtisadiyyat Nazirliyi yanında Əmlak Məsələləri Dövlət Xidmətinin rəisi Mətin Eynullayev İşçi qrupun üzvləri sırasında yer alıb.
İşçi qrupa investorlar tərəfindən İqtisadiyyat Nazirliyi və Dövlət Şəhərsalma və Arxitektura Komitəsi vasitəsilə İşçi qrupa təqdim olunan şəhərsalma investisiya layihələrinə baxılmasını və ilkin qiymətləndirilməsini həyata keçirmək, eləcə də şəhərsalma investisiya layihələrinin icrası çərçivəsində aidiyyəti dövlət orqanları (qurumları) tərəfindən müvafiq icazə sənədlərinin verilməsi istiqamətində
fəaliyyətin əlaqələndirilməsini təmin etsin, yenidən qurulacaq ərazilərdə köçürülmə prosesinin həyata keçirilməsinə və layihələrdən irəli gələn öhdəliklərin yerinə yetirilməsinə nəzarət etmək tapşırılıb.
Eyni zamanda ilkin olaraq Bakı şəhərinin Böyükşor gölü ətrafında, Heydər Əliyev və Ziya Bünyadov prospektləri arasında yerləşən ərazilərinin, Heydər Əliyev adına Neft Emalı Zavodu ətrafında olan ərazilərinin dövlət-özəl tərəfdaşlığı modeli çərçivəsində razılaşdırılmış konseptual layihələr əsasında yenidən qurulmasının həyata keçirilməsi üçün investisiya qoyuluşuna zəruri şərait yaradılmasını, həmin layihələr üzrə investisiya müqavilələrinin şərtlərinin razılaşdırılmasını və digər zəruri tədbirlərin görülməsini təmin etmək də İşçi qrupuna həvalə edilib.
Məqsəd Bakı şəhərində dayanıqlı və inkluziv şəhər inkişafını təmin edən müasir şəhərsalma təşəbbüslərinə, o cümlədən çoxmərkəzli şəhər və şəhər içində şəhər konsepsiyalarına əsaslanan layihələrə (şəhərsalma investisiya layihələri) investisiyaların cəlb edilməsi, bu növ layihələrin həyata keçirilməsi niyyətini bildirmiş investorlara layihələrin reallaşdırılmasına aidiyyəti dövlət orqanları (qurumları) tərəfindən dəstək göstərilməsi və onun müvafiq institusional çərçivə vasitəsilə əlaqələndirilməsidir.
Çox əhəmiyyətli bir addım atılıb. Baş nazirin müavini Samir Şərifovun işçi qrupun rəhbəri təyin olunması işlərin düzgün istiqamətdə gedəcəyindən xəbər verir. Bu qrupun yaradılması Bakının inkişafına böyük töhfə verəcək. Samir Şərifovun rəhbərliyi altında bu layihələrin uğurla həyata keçəcəyinə inanırıq.
Bu sərəncam çox möhtəşəm bir qərardır, Bakının gələcəyi üçün çox önəmli addım atılıb! Baş nazirin müavini Samir Şərifov artıq işçi qrupun rəhbəri kimi də gücünü göstərəcək. Bu işçi qrupun fəaliyyəti ilə Bakı daha da gözəlləşəcək, əminəm ki!
Bu xəbər çox sevindirici oldu, xüsusilə Samir Şərifovun bu yeni işçi qrupuna rəhbərlik etməsi Bakı üçün böyük uğur deməkdir. Şəhərsalma təşəbbüslərinin belə mühüm bir qrup tərəfindən idarə olunması inkişafın sürətlənməsinə kömək edəcəkdir. Bu cür tədbirlər Bakının gələcəyi üçün çox əhəmiyyətlidir.
Bu xəbər çox sevindirici oldu, xüsusilə Samir Şərifovun bu yeni işçi qrupuna rəhbərlik etməsi Bakı üçün böyük uğur deməkdir. Görəsən, indi Samir müəllimə yeni bir “ən böyük inşaat layihəsi” vəzifəsi də veriblər? Şəhərsalma təşəbbüslərinin belə mühüm bir qrup tərəfindən idarə olunması inkişafın sürətlənməsinə kömək edəcəkdir. Bu cür tədbirlər Bakının gələcəyi üçün çox əhəmiyyətlidir.