Portuqaliyada tramvayın relsdən çıxması nəticəsində 15 nəfər ölüb, 18 nəfər yaralanıb

Portuqaliyanın paytaxtı Lissabonda tramvayın relsdən çıxması nəticəsində 15 nəfər ölüb, 5-i ağır olmaqla 18 nəfər yaralanıb.
Elchi.az xəbər verir ki, yerli mətbuatın məlumatına görə, Lissabonun məşhur turistik məkanı olan Gloria tramvayı yerli vaxtla axşam saat 18:00 radələrində relsdən çıxıb.
On beş nəfər ölüb, beşi ağır olmaqla 18 nəfər yaralanıb.
Portuqaliya prezidenti Marselo Rebelo de Sousa qəzada ölən və yaralananları təsdiqləyib və kədərini bildirib.
Sosial şəbəkələrdə yayılan videoda tramvaydan qalxan tüstü və insanların dağıntıları çıxarmağa çalışdığı görünür.
Bu arada Portuqaliya hökuməti milli matəm günü, Lissabon bələdiyyəsi isə üç günlük matəm elan edib.