Bəzi Avropa İttifaqı (Aİ) ölkələri, o cümlədən Fransa, uşaqları zərərli onlayn məzmundan qorumaq üçün yeni yaş yoxlama tətbiqini tətbiq etməyi planlaşdırır.
Elchi.az xəbər verir ki, Avropa Komissiyası yeni proqramın uşaqların və gənclərin onlayn mühiti təhlükəsiz və onların hüquqlarını qoruyan şəkildə yaşamasını təmin etmək səyləri çərçivəsində bəzi üzv dövlətlərdə tətbiq ediləcəyini açıqlayıb.
Komissiya mətbuata açıqlamasında internet istifadəçilərinin yaşını yoxlayaraq uşaqların zərərli məzmuna daxil olmasının qarşısını almağı hədəfləyən yeni tətbiqin ilk olaraq Fransa, Danimarka, Yunanıstan, İspaniya və İtaliyada sınaqdan keçiriləcəyini açıqlayıb.
Açıqlamada qeyd olunub ki, yeni proqram istifadəçilərə real yaşlarını və şəxsiyyətlərini paylaşmadan 18 yaşdan yuxarı olduqlarını sübut etməyə imkan verəcək və platformaların istifadəçilərin baxdığı məzmunu izləməsinə mane olacaq.
Həmçinin proqramın, xüsusən də böyüklər üçün nəzərdə tutulmuş məzmunu olan və uşaqlar üçün yüksək risk təşkil edən platformalarda məcburi olacağı və onun ölkəyə uyğunlaşdırıla biləcəyi qeyd edilib.
Şayəstə Hüseynova
