Çinin xarici işlər naziri Vanq Yi xəbərdarlıq edib ki, ABŞ-ın İranın nüvə obyektlərinə zərbə endirməsi, mübahisələrin danışıqlar yolu ilə deyil, güc yolu ilə həll oluna biləcəyi mesajı verməklə ciddi nəticələrə səbəb ola biləcək yanlış presedent yaradır.
Elchi.az xəbər verir ki, Çin Xarici İşlər Nazirliyindən verilən açıqlamaya görə, nazir Vanq Çində səfərdə olan Böyük Britaniyanın keçmiş baş naziri Toni Bleyerlə görüşündə ABŞ-ın İrana hücumlarını və Yaxın Şərqdəki vəziyyəti müzakirə edib.
İsrail-İran münaqişəsindəki ölkələr arasındakı fikir ayrılıqlarının dialoq və məsləhətləşmələr yolu ilə sülh yolu ilə həll edilməsinin vacibliyini vurğulayan Vanq, İsrailin “gələcəkdə ola biləcək təhdidləri” əsas gətirərək, İrana “önləyici zərbələr” vurduğunu, daha sonra isə ABŞ hərbi təyyarələrinin Beynəlxalq Atom Enerjisi Agentliyinin nəzarəti altında İranın nüvə obyektlərini bombaladığını bildirib.
“ABŞ dünyaya mübahisələrin danışıqlar yolu ilə deyil, güc yolu ilə həll oluna biləcəyi ilə bağlı yanlış mesaj verir, ciddi nəticələrə səbəb ola biləcək yanlış presedent yaradır”, – Çinli nazir deyib.
Sülhün tərəfdarı olmağın güc tələb etdiyini, lakin gücün mütləq həqiqi sülh gətirmədiyini vurğulayan Vanq, “Münaqişənin bütün tərəfləri gərginliyi azaltmaq, dialoq və danışıqlar yolu ilə siyasi həll yoluna qayıtmaq, Yaxın Şərqdə sülh və sabitliyin bərqərar olması üçün tədbirlər görməlidir” deyib.
Keçmiş baş nazir Blair həmçinin qeyd edib ki, Böyük Britaniya İsrail və İran arasındakı gərginlikdən son dərəcə narahatdır və mümkün qədər tez regional sülh, təhlükəsizlik və sabitliyi təmin etmək üçün diplomatik vasitələrlə dialoq və danışıqlara qayıtmağa çağırıb.
Açıqlamada Vang və Blair arasında Ukrayna ilə bağlı da fikir mübadiləsi aparıldığı bildirilib.
Nuranə Məmmədova
