Qorbaçovun “yenidənqurma”sından sonra nəhayət ki, SSRİ-də hər şey dağılmağa başladı.
Axar.az xəbər verir ki, bu sözlər rusiyalı politoloq Qriqori Trofimçukun öz Feysbuk səhifəsində SSRİ-nin çökməsi ilə bağlı yazdığı statusda qeyd olunub.
O, 80-ci illərdə SSRİ-də üç baş katibin ard-arda ölməsinin ölkə üçün fəlakət olduğunu bildirib:
“1982, 1984 və 1985-ci illərdə Kremldə bir-birinin ardınca üç Mərkəzi Komitə katibi həyatını itirdi. Bu, artıq fəlakət idi çünki hələ indiyə qədər belə bir şey olmamışdı. Ona görə də 1985-ci ildə daha gənc və aktiv birini təyin etmək qərar alındı. Bədbəxtlikdən ələ həmin o ləkə ilə Mixail Sergeyiviç Qorbaçov düşdü. O, Qərbin əlaltısı-filan deyildi, sadəcə olaraq, diplomlu kolxozçu idi. Bu, III Aleksandrın ölümündən sonra taxta təsadüfən II Nikolayın çıxmasına bənzəyir. Qorbaçov 1985-ci ilin yazından alkoqolizmlə mübarizəyə başladı. Məhz bu, neft gəlirlərindən öncə ölkəyə təsir etməyə başladı. Əvvəl üzüm tənəkləri məhv edildi, ardınca isə dükanlarda şəkər, maya itməyə başladı. Əvəzində söz verilən ucuz şirələr peyda olmadı. Bunun ardınca isə zəncirvari reaksiya qanununa uyğun olaraq hər şey itməyə başladı. Tezliklə qida bazarı balansını itirdi. Bu, özüylə bərabər avtomatik olaraq xərc uçotu, özünə yeni rəislərin seçilməsi ilə bağlı yeni qanun paketinin hazırlanmasını tələb etdi. Yəni bütün sistem rahat və görünmədən aşağıya doğru getməyə başladı”.
Politoloq Çernobıl partlayışının da SSRİ-nin çökməsinə təsir etdiyini deyib:
“Çernobıl Atom Elektrik Stansiyasındakı partlayış informasiya dövriyyəsinə yeni anlayış olan “aşkarlığ”ı gətirdi. Nüvə buludunu görməyə məcbur olan isveçlilər Qorbaçovdan sərt şəkildə soruşmağa başladılar: “Sən hansısa yeni fəaliyyətdən danışırsan, amma atom stansiyasındakı partlayışdan yalan informasiyalar verirsən. Bəs sənin bütün dünyaya açıqlığın haradadır?” Tezliklə “Yenidənqurma” başladı. Təməldə olan əsas problemlərin düzəldilməsi üçün inkişaf etməkdən olan dramatik situasiya ilə həqiqətən nə isə etmək lazım idi”.
Q.Trofimçuk məhz “yenidənqurma”da sonra ittifaqın daxilində parçalanmanın başladığını söyləyib:
“Şərqi Avropa ölkələri, ittifaqın öz daxilində olan Krım, Qazaxıstan və Qarabağ kimi yerlərdə ilk milli qiyamlar və çıxışlar başladı. Əfqanıstandan qoşunlar çıxarıldı. Qorbaçov özünü prezident adlandırdı. Bundan sonra isə bu dağılmanı saxlamaq mümkün olmadı. Bununla bərabər, həmin dövrdə bircə nəfər də benzinin qiyməti və dolların kursu barədə hansısa fikir belə söyləmədi. Bu suallar ölkənin həyatında mövcud deyildi. Beləliklə, bütün bunlardan belə bir sadə nəticə çıxır: əgər böyük dövlətin rəhbərliyində siyasətçi yox, ən çox danışan və hətta, nə bilim, haralarasa qurtarıb diplomları olan sadə adam oturursa, o, zəmanət verərək dövləti dağıdır. Bu hal II Nikolayda da belə olmuşdu və Qorbaçovda da təkrarlandı. Ona görə də biz gələcək nəsil kimi SSRİ çöküşü ilə bağlı öz beynimizi vəhşi, uydurma versiyalarla qarışdırmamalıyıq. Hər şey çox asan və eyni zamanda çox qorxuludur”.
Son şərhlər