Şanxay Əməkdaşlıq Təşkilatının Zirvə toplantısında iştirak etmək üçün Çinə səfər edəcək Hindistanın baş naziri Narendra Modi prezident Si Cinpin ilə görüşdən əvvəl “qarşılıqlı hörmət və uzunmüddətli əməkdaşlığı” vurğulayıb.
Elchi.az xəbər verir ki, Hindistanın baş naziri Narendra Modi Çinin dövlət başçısı Şi Cinpinlə görüşü öncəsi “Yomiuri Shimbun” qəzetinə yazılı açıqlama verib.
Hindistanın ikitərəfli əlaqələri strateji və uzunmüddətli perspektivlə inkişaf etdirməyə hazır olduğunu ifadə edən Modi, “Biz bunu qarşılıqlı hörmət, maraq və həssaslıq əsasında etməyə qərarlıyıq. Həmçinin inkişaf problemlərini həll etmək üçün strateji ünsiyyəti gücləndirəcəyik” – deyib.
Modi, sabit Hindistan-Çin münasibətlərinin çoxqütblü dünya nizamı üçün vacib olduğuna diqqət çəkdi və dünya iqtisadiyyatındakı dalğalanmalar qarşısında qlobal nizamı sabitləşdirmək üçün iki ölkənin birgə işləməsinin vacibliyini vurğuladı.
“Hindistan və Çin arasında münasibətlər müsbət təsir edəcək”
İki ölkə arasındakı müsbət əlaqələrin bölgənin çiçəklənməsinə də töhfə verəcəyini bildirən Modi, “Dünyanın iki ən böyük qonşu ölkəsi olan Hindistan və Çin arasında sabit, proqnozlaşdırıla bilən və dostluq münasibətləri regional və qlobal sülhə müsbət təsir göstərəcək” – deyib.
Avqustun 31-dən sentyabrın 1-dək Çinin Tianjin şəhərində keçiriləcək Şanxay Əməkdaşlıq Təşkilatının (ŞƏT) Sammitində iştirak edəcəyini açıqlayan Hindistanın baş naziri Narendra Modi 7 ildən sonra ilk rəsmi səfərini Çinə edəcək.
Modinin sammit çərçivəsində Çin prezidenti Si Cinpin və Rusiya prezidenti Vladimir Putinlə ikitərəfli danışıqlar aparacağı gözlənilir .
Nuranə Məmmədova
