Demansdan azad bir həyat üçün nəyin təsirli olduğu hələ dəqiq bilinməsə də, eşitmə itkisindən hava çirkliliyinə qədər bir çox risk faktorunun mövcudluğu məlumdur.
Elchi.az xəbər verir ki, genetik kimi bəzi risk faktorları dəyişməz olsa da, hava çirkliliyi kimi elementlər ictimai problemləri əks etdirir. Digər tərəfdən, həyat tərzi ilə əlaqəli dəyişdirilə bilən risk faktorları demansa qarşı qorunma baxımından ön plana çıxır.
ABŞ və Çində tədqiqatçılar tərəfindən aparılan və Neurology Open Access jurnalında dərc olunan yeni bir araşdırma, orta yaşda üç risk faktorunun demansın başlanğıcını sonrakı illərdə gecikdirdiyini ortaya qoydu.
Orta hesabla 26 illik bir dövrü əhatə edən 12.409 iştirakçının sağlamlıq məlumatlarını araşdıran tədqiqat qrupu, normal qan təzyiqinin olması, diabet xəstəsi olmaması və siqaret çəkməməyin əlavə 13 illik zehni sağlamlığa uyğun olduğunu bildirdi.
Vurğulandı ki, 45-65 yaş arasındakı dövr bu risk faktorları üçün çox vacibdir. Orta yaşda qan təzyiqi, diabet və siqaretdən birbaşa təsirlənən damar sağlamlığının qorunmasının vacibliyi xatırladıldı.
Şayəstə
