Azərbaycan Prezidenti İlham Əliyev Çinin sədri Si Cinpinə təbrik məktubu ünvanlayıb.
Elchi.az-ın məlumatına görə, təbrikdə deyilir:
“Çin Xalq Respublikasının milli bayramı münasibətilə Sizə və Sizin simanızda dost Çin xalqına öz adımdan və Azərbaycan xalqı adından ən səmimi təbriklərimi və xoş arzularımı çatdırıram.
Sizin liderliyiniz sayəsində iqtisadi, sənaye, hərbi, yüksək texnologiyalar, innovasiya, elm və digər bütün sahələrdə mühüm nailiyyətlər əldə edən Çin dünyanın ən qabaqcıl ölkələri sırasında qərarlaşmış, beynəlxalq aləmdə proseslərə həlledici təsir göstərən güc mərkəzinə çevrilmişdir. Bu il ərzində dost ölkənizə həyata keçirdiyim iki səfər zamanı Sizin qətiyyətli rəhbərliyiniz altında ölkədə aparılan genişmiqyaslı quruculuq işlərini, möhtəşəm inkişafı və nailiyyətləri əyani şəkildə görmək məndə böyük təəssürat oyatdı.
Çin Xalq Respublikası ilə əlaqələrin inkişaf etdirilməsi Azərbaycanın xarici siyasətinin prioritet istiqamətlərindəndir. Məmnunluqla qeyd etmək istərdim ki, son dövrdə Azərbaycan-Çin münasibətləri yeni mərhələyə qədəm qoymuşdur. Aramızdakı fəal dialoq, səmimiyyət və qarşılıqlı etimad şəraitində keçən görüşlərimiz, təmaslarımızın intensivliyi Azərbaycan-Çin əlaqələrinin səviyyəsindən və yüksək dinamikasından xəbər verir. Aprel ayında Çinə dövlət səfərim zamanı imzalanmış sənədlər, xüsusilə də “Azərbaycan Respublikası ilə Çin Xalq Respublikası arasında hərtərəfli strateji tərəfdaşlıq əlaqələrinin qurulması haqqında Birgə Bəyanat” ikitərəfli əlaqələrimizi daha da yüksək pilləyə qaldırmış, dövlətlərarası münasibətlərimizin strateji mahiyyətini gücləndirmişdir.
Bu gün Azərbaycan ilə Çin arasında qarşılıqlı etimad, hörmət və dəstəyə əsaslanan münasibətlərin hərtərəfli strateji tərəfdaşlıq müstəvisində inkişafı məmnunluq doğurur. Siyasi, iqtisadi-ticari, sənaye, enerji, nəqliyyat-kommunikasiya, investisiya, kənd təsərrüfatı, humanitar və digər sahələrdə əməkdaşlığımızın gündən-günə genişlənməsi və yeni məzmunla zənginləşməsi bizi sevindirir. “Kəmər və yol” layihəsinin uğurla icrası, xüsusilə də onun vacib tərkib hissəsi olan Orta Dəhliz vasitəsilə daşımaların artması təqdirəlayiqdir. Eyni zamanda vizasız gediş-gəlişə dair sənədin qüvvəyə minməsinin insanlararası təmasların və turizmin inkişafına, iqtisadi, humanitar və mədəni əlaqələrin dərinləşməsinə mühüm təkan verəcəyinə inanıram.
Hörmətli cənab Sədr,
Əminəm ki, bir-birinə böyük rəğbət bəsləyən xalqlarımızın rifahı naminə mövcud imkanlardan yararlanaraq birgə səylərimizlə Azərbaycan-Çin ənənəvi dostluq əlaqələrinin daha da möhkəmlənməsinə, hərtərəfli strateji tərəfdaşlığımızın daha da dərinləşməsinə nail olacağıq.
Belə bir xoş gündə Sizi bir daha ürəkdən təbrik edir, möhkəm cansağlığı, xoşbəxtlik, işlərinizdə uğurlar, dost Çin xalqına daim əmin-amanlıq, rifah və firavanlıq arzulayıram”.
Prezidentimizin Si Cinpinə ünvanladığı təbrik məktubu çox gözəldir. Bu, iki dost ölkə arasındakı münasibətlərin nə qədər güclü olduğunu göstərir. Çinin nailiyyətlərini yüksək qiymətləndirməsi və Azərbaycanın da bu inkişafdan razı qalması sevindirici haldır. Belə strateji tərəfdaşlığın davamı hamımızın mənafeyinədir.
Maraqlıdır, bu əməkdaşlıqdan Azərbaycanın hans qədər faydası olacaq görəsən? Elə böyük ölkədir, güclü iqtisadiyyatı var. Bizim üçün də bu cür yaxşı olar inşəallah.
Əla məqalədi, dövlətlərimiz arasındakı dostluq əlaqələrinin güclənməsinə sevindim. Prezidentlərimizin görüşləri çox vacibdir. Bu əməkdaşlıq daha da dərinləşsin.
Ay maşallah, prezidentimiz nə qədər yaxşı sözlər yazıb Çinə! Görünür, bizim prezidentimiz də bilir ki, Çinlə dostluq nə qədər vacibdir. Hər şey qaydasındadır, belə də olmalı idi. Prezident İlham Əliyev həmişə olduğu kimi, öz işini bilir. Bu dostluq əlaqələri daha da güclənsin inşallah.
Bu xəbər çox önəmlidi, iki ölkənin də münasibətləri daha da güclənir. Prezidentimizin Çinə səfəri də göstərdi ki, bu əməkdaşlıq hər iki tərəf üçün faydalıdır. Ümid edirəm ki, bu əlaqələr daha da inkişaf edəcək.
Əla xəbərdir, bizim prezidentimizdə başqa dövlət başçıları ilə belə əlaqələri gücləndirməsi çox yaxşıdır. Məncə bu iki ölkənin gələcəyi üçün çox böyük önəm daşıyır. Belə əlaqələr hər zaman davam etsin inşallah.
Çox gözəl bir təbrik məktubu olub, prezidentimiz İlham Əliyev həmişə olduğu kimi yenə öz sözünü bilib. Çinlə əlaqələrimizin güclənməsi super xəbərdir, necə deyərlər, dostla dost olmaq lap yaxşıdı. Belə davam etsə, bizim də işlərimiz yaxşı olacaq.