Xəbər verdiyimiz kimi, Azərbaycanın səfirliyi Rusiya Xarici İşlər Nazirliyinə 2022-ci il oktyabrın 20-21-də Rusiyanın Birinci Kanalında yayımlanan “Böyük oyun” verilişinin efirində rusiyalı politoloqlar və erməni əsilli ekspertlər tərəfindən səsləndirilmiş açıq-aşkar antiazərbaycan çıxışları, Azərbaycan Respublikasının ərazi bütövlüyünün şübhə altına alınması və dövlət xəritəsinin təhrif edilməsi ilə əlaqədar rəsmi sərt etiraz notası göndərib.
Elchi.az xəbər verir ki, Rusiyanın tanınmış siyasi şərhçisi, beynəlxalq eksperti Sergey Markov məlum etiraz notası ilə bağlı şəxsi Feysbuk hesabında öz fikirlərini bölüşüb.
S.Markov qeyd edib ki, Azərbaycan Rusiyaya etiraz notası göndərdi, lakin bu, Rusiyanın siyasətinə yox, rus telekanallarının Qarabağla bağlı Azərbaycanın siyasətinə zidd olan addımlara etirazdır:
“Rusiya telekanalları Azərbaycan və Ermənistan mövzusunda Putindən çox Ruben Vardanyana qulaq asırlar. Ona görə də Ermənistan tərəfdarları bu mövzuda çıxış edərək Azərbaycan və Türkiyə dostluq tərəfdarlarının qarşısını süni şəkildə alırlar. Ruben Vardanyan artıq Rusiya pasportundan imtina edib, amma Rusiya televiziyasındakı şəbəkəsi hakimdir. Bu baxımdan sözügedən etiraz Ruben Vardanyanadır. Konkret olaraq 20 və 21 oktyabr tarixində Rusiyanın Birinci Kanalında “Böyük Oyun” haqqında danışılır və burada Ermənistanın maraqları uğrunda mübarizənin pik nöqtəsindən söhbət gedilir”.
Yeganə