Bildirilib ki, 2022-ci il Fransada “ölkə tarixində ən isti il” kimi qeydə alınıb.
Elchi.az xəbər verir ki, Fransa Meteorologiya İdarəsinin məlumatına görə, 2022-ci ildə ölkədə orta temperatur 14,5 dərəcə olaraq qeydə alınıb.
Belə ki, 1900-cü ildən bəri qeydə alınan temperatur dəyərləri kontekstində 2022-ci il “ən isti il” kimi tanınan 2020-ci ili keçərək 14,5 dərəcə ilə “Fransa tarixində ən yüksək orta temperatura malik il” olub.
1959-cu ildən bəri ikinci ən az yağış
Yay mövsümündə 3 dəfə qızmar yay istilərinə məruz qalan ölkədə havanın temperaturu bəzi günlərdə 40 dərəcədən yuxarı qalxıb.
Meteorologiya idarəsi, yay dövründə 33 günün həddindən artıq isti keçdiyini açıqladı.
Ölkədə yüksək temperaturla bağlı 2816 nəfər dünyasını dəyişib.
Digər tərəfdən, ölkədə yağıntı nisbətinin yüzdə 25 azaldığı 2022-ci il “1959-cu ildən bəri ən az yağıntının qeydə alındığı ikinci il” olaraq tarixə düşdü.
Fransada başda Qrenobl olmaqla bir çox bölgədə yay dövründə baş verən meşə yanğınları “tarixin ən böyük meşə yanğınları” arasında yer alıb. 2022-ci ilin əvvəlindən yazın sonuna qədər yanğınlar nəticəsində 47 min hektara yaxın yaşıllıq sahəsi zərər görüb.
Şayəstə