Türkiyə prezidenti Rəcəb Tayyib Ərdoğan ölkədə iyunun 18-nə təyin edilmiş prezident və parlament seçkilərinin təxirə salınmasının mümkünlüyünü istisna etməyib.
Elchi.az TASS-a istinadən xəbər verir ki, bu barədə o, çərşənbə günü parlamentdə jurnalistlərə bildirib.
“Cəmiyyətdə bu və ya digər şəkildə müzakirə olunan hər şey bizim gündəmimizdədir. Su yerində dayanmır”, – deyə Ərdoğan ümumi seçkilərin vaxtının təxirə salınmasının mümkünlüyü ilə bağlı sualı cavablandırıb.
Türkiyənin hakim Ədalət və İnkişaf Partiyasının (AKP) rəsmi nümayəndəsi Ömər Çelik yanvarın 2-də jurnalistlərə bildirib ki, seçki tarixi təxirə salına bilər. Onun sözlərinə görə, Ərdoğanın rəhbərlik etdiyi partiya müxtəlif variantları nəzərdən keçirir:
“Seçkilər təxirə salınarsa, mümkün tarix aprelin 30-u, mayın 7-si və ya 14-üdür”.
Xatırladaq ki, AKP ilə birlikdə Milliyətçi Hərəkat Partiyasının (ASK) daxil olduğu hakim Xalq Alyansı bir müddət əvvəl yeganə namizədinin Türkiyənin hazırkı prezidenti olacağını açıqlamışdı. Müxalifət hələlik prezident seçkilərində öz namizədini müəyyənləşdirməyib.
Yeganə