Aqrar Subsidiya Şurası Azərbaycan Prezidentinin 2019-cu il 27 iyun tarixli 759 nömrəli Fərmanı ilə təsdiq edilən “Kənd təsərrüfatı məhsulları istehsalının subsidiyalaşdırılması Qaydası”nın 2.4-cü bəndinə müvafiq olaraq, 22 iyul 2022-ci il tarixli iclasında mineral gübrələrin qiymət artımının bitkiçilik sahəsinə mənfi təsirinin məhdudlaşdırılması məqsədilə 2022-ci il üzrə buğda, arpa, çovdar, tritikale, kartof, baş soğan, kələm, sarımsaq bitkilərinin əsas əkinlərinə, habelə qarğıdalı, günəbaxan, soya, darı, sorqo və kartof bitkilərinin təkrar əkinlərinə görə verilən əkin subsidiyasının, habelə tədarükçülərə təhvil verilən pambıq, tütün və şəkər çuğundurunun miqdarına görə verilən məhsul subsidiyasının məbləğinin artırılması barədə qərar qəbul edib.
Kənd Təsərrüfatı Nazirliyindən Elchi.az-a verilən məlumata görə, Aqrar Subsidiya Şurasının qərarına əsasən, 2022-ci ildə buğda, arpa, çovdar, tritikale, kartof, baş soğan, kələm, sarımsaq bitkilərinin əsas əkinlərinə, qarğıdalı, günəbaxan, soya, darı, sorqo və kartof bitkilərinin təkrar əkinlərinə görə verilən əkin subsidiyasının artımı və yekun əkin subsidiyasının məbləği aşağıdakı kimi müəyyən olunub:
| Bitki növləri | Aqrar Subsidiya Şurasının 30 avqust 2021-ci il qərarı ilə təsdiqlənən | Əkin subsidiyasının artımı (manat/ha) | Yekun əkin əmsalı | Yekun əkin subsidiyası (manat/ha) | |
| əkin əmsalı | Əkin subsidiyası (manat/ha) | ||||
| Əsas əkinlər | |||||
| Buğda | 1,05 | 210 | 80 | 1.45 | 290 |
| Arpa | 1,05 | 210 | 68 | 1.39 | 278 |
| Covdar | 1,05 | 210 | 68 | 1.39 | 278 |
| Tritikale | 1,05 | 210 | 68 | 1.39 | 278 |
| Baş soğan | 1,3 | 260 | 70 | 1.65 | 330 |
| Kələm | 1,3 | 260 | 50 | 1.55 | 310 |
| Sarımsaq | 1,3 | 260 | 50 | 1.55 | 310 |
| Kartof | 1,4 | 280 | 80 | 1.8 | 360 |
| Təkrar əkinlər | 0.43 | 86 | 24 | 0.55 | 110 |
Aqrar Subsidiya Şurasının qərarına əsasən, 2022-ci ildə pambıq, tütün və şəkər çuğunduru üzrə məhsul subsidiyasının artımı və yekun məhsul subsidiyasının məbləği aşağıdakı kimi müəyyən olunub:
| Bitki növləri | Aqrar Subsidiya Şurasının 30 avqust 2021-ci il qərarı ilə təsdiqlənən | Məhsul subsidiyasının artımı(manat/ton) | Yekun məhsul əmsalı | Yekun məhsul subsidiyası (manat/ton) | |
| Məhsul əmsalı | Məhsul subsidiyasının məbləği (manat/ton) | ||||
| Pambıq | 0,85 | 170 | 14 | 0.92 | 184 |
| Tütün: | |||||
| Virciniya sortu, yaş | 0,13 | 26 | 4 | 0.15 | 30 |
| digərləri: quru | 0,9 | 180 | 30 | 1.05 | 210 |
| yaş | 0,09 | 18 | 3 | 0.105 | 21 |
| Şəkər çuğunduru | 0,06 | 12 | 4 | 0.08 | 16 |
Aqrar Subsidiya Şurasının qərarına əsasən, 2022-ci il üzrə intensiv fındıq, nar, zeytun, limon, kinkan, naringi və portağal bağlarının, habelə şabalıd və damcı suvarma sistemi ilə təmin olunmuş kivi bağlarının salınması üçün verilən (bir dəfəyə məxsus) əkin subsidiyası 2021-ci ilin sentyabrın 1-dən salınmış və EKTİS-də ilk dəfə bəyan edilmiş bağlara şamil edilib.
Son şərhlər