Ukrayna prezidenti Volodimir Zelenskinin təyyarəsi Avstriya üzərində uçuş zamanı respublikanın neytral statusuna görə NATO qırıcılarının müşayiəti olmadan qalıb.
Elchi.az-ın Vesti.ru-ya istinadən məlumatına görə, bu barədə “Pulse 24” telekanalı xəbər verir.
Xatırladaq ki, Zelenski mayın 13-də Avropa turu çərçivəsində Romaya səfər edib. Ertəsi gün Ukrayna prezidenti Almaniya Hərbi Hava Qüvvələrinin “Airbus A319” yük təyyarəsi ilə Berlinə gedib.
Zelenskinin təyyarəsini İtaliyanın Hərbi Hava Qüvvələrinə məxsus “Eurofighter” qırıcıları müşayiət edib və onlar Avstriya hava məkanına daxil olmadan uçuşu dayandırıblar. Almaniya səmasında Zelenskini Almaniya Hərbi Hava Qüvvələrinin alman qırıcıları qarşılayıb.
Avstriya hava məkanında Zelenski ilə uçuş cəmi bir neçə saniyə davam edib. Bu arada, Alman “Airbus A319”-un Avstriya hava məkanında uçmaq üçün daimi icazəsi var.
Qeyd edək ki, Vyananın bloksuz statusu Avstriya parlamenti tərəfindən 1955-ci ildə qəbul edilmiş ayrıca konstitusiya qanununda öz əksini tapıb. Avstriya NATO-nun üzvü deyil və Ukraynaya silah vermir.
Yeganə
Son şərhlər