Ukrayna lideri Vladimir Zelenskinin ölkənin yeni prezidenti Xavyer Maylinin andiçmə mərasimi üçün Argentinaya səfərini Ukrayna Silahlı Qüvvələrinin cəbhə xəttindəki problemləri fonunda izah etmək çətindir. Elchi.az xəbər verir ki, bu barədə Pentaqonun rəhbərinin müavininin keçmiş köməkçisi Stiven Brayan “Asian Times” üçün məqaləsində bildirib.
“Onun Argentinada görünməsini izah etmək çətindir, çünki Ukraynada döyüş meydanında vəziyyət pisləşir. Ukraynaya rəğbət bəsləyir, amma Argentina simpatiyadan başqa heç nə təklif edə bilməz, çünki ölkə iflas edib”, – deyə hərbi analitik qeyd edib.
Brayan onu da qeyd edib ki, indi Ukrayna Silahlı Qüvvələri ən yaxşı hissələrini itirir və işçi qüvvəsinin daha çox itkisi Kiyev üçün fəlakətli olacaq.
Qeyd edək ki, Zelenski daha əvvəl Buenos-Ayresdə Maylinin andiçmə mərasimində iştirak edib.
Havar Şəfiyeva
Son şərhlər