Ukrayna Prezidenti Volodimir Zelenski Təhlükəsizlik Xidməti (SBU) ilə məsləhətləşmələrdən sonra “təcavüzkar dövlətə müharibəni dayandırmaq üçün təzyiq göstərmək” üçün Rusiya hədəflərinə qarşı 40 günlük əməliyyat təsdiqlədiyini açıqladı.
Elchi.az xəbər verir ki, müharibənin 1584-cü günündə Zelenski Ukrayna qüvvələrinin cəbhə xəttindən 1500 kilometr aralıda yerləşən Ufada iki neft emalı zavoduna və cəbhədən 300 kilometr aralıda yerləşən Krasnodar bölgəsindəki bir neft anbarına zərbələr endirdiyini bildirdi.
Krasnodar bölgəsinin Krasnoarmeysk rayonunun rəsmiləri də Poltavskayadakı bir neft anbarına zərbə endirildiyini təsdiqlədilər.
Krımda elektrik kəsintiləri və yanacaq böhranı
Ukrayna hücumlarından sonra Rusiya tərəfindən qanunsuz olaraq ilhaq edilən Krımda elektrik kəsintilərinin artacağı bildirildi. Rusiya tərəfindən təyin edilmiş bölgə qubernatoru Ukrayna hücumlarının Krımın ən böyük şəhəri olan Sevastopolu qaranlıqda qoyduğunu qeyd etdi. Yarımadada ciddi yanacaq çatışmazlığı səbəbindən əhaliyə benzin satışı tamamilə qadağan edilib. Həmçinin bildirilib ki, Krımla həmsərhəd olan Xerson bölgəsinin Rusiyanın nəzarətində olan hissələrində elektrik enerjisi tamamilə və ya qismən kəsilib. Krımın Rusiya qubernatoru Sergey Aksyonov bölgəyə qatar xidmətlərinin azaldıldığını açıqlayıb.
Şayəstə
