Ukrayna lideri Volodimir Zelenski Ukraynanın Bayraq Gününü qeyd edərkən sülh sazişi çərçivəsində ərazilərdən geri çəkilmə ideyasını bir daha rədd edib.
Elchi.az xəbər verir ki, onun sözlərini “Strana” nəşri sitat gətirir.
ABŞ prezidenti Donald Tramp Rusiya və Ukrayna prezidentləri Vladimir Putin və Volodimir Zelenski arasında mümkün görüşün nəticəsiz qala biləcəyini deyib . O, iki liderin “çox yaxşı anlaşa bilmədiklərini”, lakin “tanqoya iki nəfər lazım olduğunu” etiraf edib.
Ağ Evin rəhbəri Ukrayna ətrafındakı vəziyyətlə bağlı genişmiqyaslı sanksiyaların tətbiqini istisna etməyib, həmçinin birgə fotoda Putini tərifləyib və gözlənilmədən Rusiya liderinin dünya çempionatı üçün ABŞ-a gəlməsinə icazə verib.
Avqustun 22-də Zelenski Putinlə görüşə hazır olduğunu açıqladı, lakin Trampın iştirakı ilə üçtərəfli formata üstünlük verdiyini bildirdi. Rusiyanın xarici işlər naziri Sergey Lavrov NBC telekanalı ilə söhbətində iki liderin iştirakı ilə Rusiya-Ukrayna sammitinin hələ planlaşdırılmadığına aydınlıq gətirib.
Nuranə Məmmədova
