“Tesla” və “SpaceX”in qurucusu İlon Mask Rusiyaya dəstək bəyanatı verərək yenidən qalmaqala səbəb olub. Daha əvvəl sosial şəbəkədə Mask Ukraynada prezident seçkilərinin şübhəli olduğunu yazsa da, eyni zamanda 2014-cü ilin sonrakı hadisələrinin dövlət çevrilişi olduğuna əminliyini ifadə edib.
Elchi.az bu barədə Rusiya mediasına istinadən xəbər verir.
Ukrayna prezidentinin ofisinin müşaviri Mixailo Podolyak Maskın yazısına cavab olaraq yazıb ki, demokratik seçkilər yolu ilə hakimiyyətin dəyişməsi yalnız azad cəmiyyətdə mümkündür, repressiv dövlətlərdə isə quldar cəmiyyətlər küçələrə çıxır. O, daha sonra Mixail Bulqakovun “İtin ürəyi” əsərindən məşhur ifadəni təkrarlayaraq Maskı Rusiya təbliğatının təsirinə məruz qalmış hesab etdiyinə eyham vurub.
“Rus qəzetlərini oxumağı dayandırın”, – deyə Podolyak yazıb.
Əvvəllər Mask artıq Ukrayna məsələsi ilə bağlı danışıb, o cümlədən nizamlanma üçün öz planını təklif edib. O, BMT-nin himayəsi altında Rusiya Federasiyasının yeni bölgələrində yeni referendumların keçiriləcəyi, Krımın Rusiya kimi tanınacağı və Ukraynanın yarımadaya su təchizatı üçün zəmanət verəcəyi təqdirdə münaqişənin dayandırıla biləcəyini bəyan edib. Kreml Maskın açıqlamalarını reallığın bəyanatı adlandırıb.
2022-ci ilin yazında Mask Ukraynaya öz “Starlink” sisteminin peyk internetinin verilməsini elan edib. Eyni zamanda, 2023-cü ilin fevralında o, PUA-lar üçün rabitə xidmətinin kəsildiyini elan edib.
Yeganə