Ukrayna prezidenti Vladimir Zelenski, Rusiya prezidenti Vladimir Putinin Kremldəki iqamətgahına gecə saatlarında pilotsuz təyyarələrlə hücum etməyə cəhd etdiklərinə dair iddialarla bağlı, “Biz Putinə və ya Moskvaya hücum etmirik. Biz öz bölgəmizdə döyüşürük. Biz Putinə hücum etməmişik.”Biz bunu məhkəməyə buraxdıq” dedi.
Elchi.az xəbər verir ki,Zelenski Finlandiyanın paytaxtı Helsinkidə keçirilən Nordic-Ukrayna Sammitindən sonra İsveçin baş naziri Ulf Kristersson, Norveçin baş naziri Jonas Qahr Store, Danimarkanın baş naziri Mette Frederiksen və İslandiyanın baş naziri Katrin Yakobsdottir ilə mətbuat konfransı keçirib.
Zelenski Finlandiyanı NATO-ya üzv olması münasibətilə təbrik edib və Skandinaviya ölkələrinin liderlərinə Kiyevə göstərdikləri dəstəyə görə bir-bir təşəkkür edib.
Zelenski Finlandiyadan Rusiyaya mesajının olub-olmaması ilə bağlı suala belə cavab verib: “Biz yalnız ölkəmizin yaşaması və vətəndaşlarımızın gələcəyi üçün mübarizə aparırıq. Rusiya vətəndaşlarının və Rusiyanın özünə nə olması bizim üçün heç bir əhəmiyyət kəsb etmir. Biz Ukraynadakı insanları düşünürük. Mənim Rusiyaya mesajım yoxdur”.
Nuranə Məmmədova
Son şərhlər