Zaxarova İtaliya xarici işlər nazirinin diplomatların qovulması ilə bağlı açıqlamalarındakı yalanları qeyd etdi.
Elchi.az xəbər verir ki, İtaliya xarici işlər naziri Antonio Tajani iki italyan diplomatının Rusiyadan qovulmasının səbəblərini səhv xarakterizə edərək bunu əsassız “qisas aktı” adlandırdı. Bu açıqlamanı Rusiya Xarici İşlər Nazirliyinin sözçüsü Mariya Zaxarova özünün Telegram kanalında etdi.
O, Tajaninin italyan attaşesi və köməkçisindən Moskvanı “heç bir əsas olmadan” tərk etmələri istəndiyi, iki rus diplomatının isə İtaliyaya qarşı casusluqda ittiham olunduğu iddiasına istinad etdi.
“Mən başa düşmürəm: “heç bir əsas olmadan” və ya “qisas aktı”? Hər ikisi də doğru deyil. Bu, İtaliya hökumətinin hərəkətlərinə qarşı qisas tədbiridir”, – Zaxarova qeyd etdi. O, həmçinin İtaliya rəsmilərinin Baş nazir Giorgio Meloniyə diplomatik münaqişələr barədə məlumat təqdim etmə tərzini tənqid etdi. Onun sözlərinə görə, Roma rus diplomatlarının qovulmalarında haqlı olduqları, Moskvanın qarşılıqlı tədbirlərinin isə əsassız təcavüz kimi təqdim edildiyi təhrif olunmuş bir mənzərə yaratmağa çalışır.
İyulun 20-də Rusiya Xarici İşlər Nazirliyi İtaliya səfirliyinin attaşesi Vittorio Parrellanı və onun köməkçisi Davide D’Aprile-i arzuolunmaz şəxs elan etdi. Bu addım iki Rusiya diplomatik missiyası əməkdaşının İtaliyadan qovulmasına simmetrik cavab idi.
Şayəstə
