Azərbaycanın müdafiə naziri Zakir Həsənovla Gürcüstanın müdafiə naziri İrakli Çikovani arasında görüş keçirilib.
Elchi.az xəbər verir ki, İrakli Çikovani Vaşinqtonda Azərbaycanla Ermənistan arasında imzalanmış birgə bəyannamənin Cənubi Qafqazda uzunmüddətli sülh və sabitliyin möhkəmlənməsinə mühüm töhfə verəcəyini deyib.
O, Gürcüstan tərəfinin regional əməkdaşlığın inkişafına töhfə verməyə hazır olduğunu bir daha təsdiqləyib.
İ.Çikovani qeyd edib ki, Gürcüstanla Azərbaycan arasında strateji əməkdaşlıq regionun təhlükəsizliyi və inkişafı üçün əsasdır. O, Gürcüstanın suverenliyi və ərazi bütövlüyünə verdiyi dəstəyə görə general-polkovnik Zakir Həsənova təşəkkür edib.
Nazir Azərbaycanla müdafiə sahəsində ikitərəfli və üçtərəfli formatda əməkdaşlığa diqqət çəkib. Onun sözlərinə görə, 2025-ci il üçün ikitərəfli əməkdaşlıq planında nəzərdə tutulan tədbirlər uğurla planlaşdırılıb və həyata keçirilib.
Söhbət zamanı Azərbaycan hərbçilərinin çoxmillətli birgə hərbi təlimlərdə, eləcə də hərbi təhsil sahəsində planlaşdırılan kurslarda iştirakı məsələsinə də toxunulub.
Zakir müəllimlə Çikovani görüşü necə də maraqlı olub! Mən həmişə düşünürəm ki, belə görüşlər bizim region üçün çox vacibdir. Sülh və sabitlik hər şeydən əvvəl gəlir. Təki belə əməkdaşlıqlar davam etsin, hamımız üçün xeyirli olar.
Vaaay, nə yaxşı xəbərdir bu! Zakir müəllim elə adama oxşayır ki, hər işin öhdəsindən gələr. Bu Gürcüstanlı nazirlə görüşü də super olub, inaniram ki, bölgədə sülh yaranacaq. Mənim üçün Zakir Həsənov böyük insandır, hər zaman onun işlərini bəyənmişəm. Allah onu qorusun.