ABŞ Qida və Dərman Administrasiyası (FDA), salmonella çirklənməsi ehtimalı səbəbindən milyonlarla yumurtanın geri çağırıldığını açıqladı.
Elchi.az xəbər verir ki, FDA-nın yazılı açıqlamasına görə, Midwest Poultry Services qida şirkəti Texasda fəaliyyət göstərən iki fermada salmonella enteritidis bakteriyası aşkar etdi.
Bakteriyaların aşkarlanmasından sonra şirkət Texas fermalarında istehsal olunan yumurtaların paylanmasını dayandırdı və FDA vasitəsilə xəbərdarlıq etdi.
Şirkət, çirklənmə ehtimalı səbəbindən 6 iyun – 3 iyul tarixləri arasında Texas fermalarından paylanan təxminən 1,6 milyon düzünə ağ və qəhvəyi yumurtanı geri çağırdı.
İndiyə qədər xəstəlik halı yoxdur
Yumurtalar Texas, Oklahoma və Luizianadakı alıcılara paylandı və Arkanzas, Nyu Meksiko və Missisipidəki satış nöqtələrində də satıldı, lakin indiyə qədər heç bir xəstəlik halı bildirilməyib.
Salmonella epidemiyasının simptomlarına qızdırma, ishal, ürəkbulanma, qusma və qarın ağrısı daxildir. Əksər hallarda simptomlar bir neçə gün ərzində yox olsa da, xüsusilə kiçik uşaqlarda və zəifləmiş immunitet sistemi olanlarda həyati təhlükə yarada bilər.
Şayəstə
