İsrailin müdafiə naziri Gallant ABŞ dövlət katibi Blinkenlə keçirdiyi mətbuat konfransında “Bu müharibə uzun və baha başa gələcək, amma biz qalib gələcəyik” deyib. “Aralıq dənizində Amerika bayrağının dalğalanmasının nə demək olduğunu hamı bilir”, – Gallant bildirib.
Elchi.az xəbər verir ki, İsrailin müdafiə naziri Gallant, bu həftə bölgə turundan sonra ikinci dəfə Tel-Əvivə gələn Blinkenlə döyüş kabineti iclasından sonra açıqlama verib.
“ABŞ-ın yaxşı müttəfiq olduğunu həmişə bildiklərini, lakin bu gün İsrail və bütün dünyanın bunu öz gözləri ilə gördüyünü” ifadə edən Gallant, Blinkenin bu həftə ikinci dəfə gəldiyini və Vaşinqtondan digər yüksək səviyyəli şəxslərin də İsrailə səfər etdiyini vurğulayıb.” Hər kəs Aralıq dənizində Amerika bayrağını dalğalandırmağın nə demək olduğunu bilir.”
Qəzza sərhədinin hər iki tərəfində İsrail vətəndaşlarına və əsgərlərinə bağlı olduqlarını bildirən müdafiə naziri, “Bu müharibə uzun və baha başa gələcək, amma biz qalib gələcəyik”,-deyib.
İsrail müdafiə nazirinin paylaşdığı açıqlamalarda və görüntülərdə Blinkenin açıqlamaları yer almayıb.
Nuranə Məmmədova
Son şərhlər