Hindistanın İndor əyalətində iki yeni doğulmuş körpəni siçovullar dişləyib. Körpələr aldığı xəsarətlərdən dünyasını dəyişib, hadisə ilə bağlı araşdırmalara başlanılıb.
Elchi.az xəbər verir ki, dəhşətli hadisə Hindistanın Madhya Pradeş ştatının İndor şəhərindəki xəstəxanada baş verib. Yenidoğulmuşların reanimasiya şöbəsində olan iki körpə siçovul dişləməsindən dünyasını dəyişib.
Məlumatlara görə, körpələr ştatın ən böyük xəstəxanası olan Maharaca Yaşvantrao Çikitsalayada müxtəlif xəstəliklərdən müalicə olunurdu. Dəhşətli hadisə reanimasiya şöbəsindən təhlükəsizlik görüntülərinə baxıldıqdan sonra üzə çıxıb.
Görüntülərdə siçanın tibbi avadanlığın üzərindən tullanaraq körpə çarpayıları arasında qaçdığı anlar əks olunub. Hadisədən sonra xəstəxanada gigiyena qalmaqalı üzə çıxıb və körpələr təcili olaraq başqa bölmələrə köçürülüb. Bir körpə avqustun 31-nə keçən gecə dünyasını dəyişib, digəri isə bu gün həyat mübarizəsini itirib.
O, ölümün səbəbinin siçan olmadığını müdafiə edib.
Körpələrdən birinin barmaqlarında, digərinin isə baş və çiynində siçan dişləmələri olub. Xəstəxananın baş həkimi Dr. Aşok Yadav körpələrin ölüm səbəbinin siçan dişləmələri deyil, doğuş zamanı yaranan fəsadlar olduğunu müdafiə etdib.
O, həmçinin körpələrin müalicə zamanı valideynlərinin nəzarətsiz qaldığını iddia edib. Xəstəxana rəsmiləri hadisədən 4-5 gün əvvəl xəstəxanada siçanların göründüyünü, lakin bununla bağlı rəsmi şikayət verilmədiyini bildiriblər. Qalmaqaldan sonra iki tibb bacısı işdən uzaqlaşdırılıb, bir baş tibb bacısı işdən çıxarılıb. Hadisə ilə bağlı araşdırma aparılır.
Nuranə Məmmədova
Son şərhlər