Yaponiya Özünümüdafiə Qüvvələri hazırda regional və qlobal çağırışlar qarşısında ölkənin təhlükəsizliyini qoruya bilmir, deyə Birləşmiş Qərargah Rəisləri Komitəsinin rəhbəri Yoşihide Yoşida bildirib. Elchi.az xəbər verir ki, bu barədə “Nikkei Asia” yazır.
Nazir ordunun ölkəni müdafiə etmək iqtidarında olmadığını etiraf etdi. Onun fikrincə, Yaponiya təcili olaraq müdafiə potensialını gücləndirməlidir. “Biz Amerikanın nüvə silahlarından istifadə strategiyaları da daxil olmaqla, uzun müddətli çəkindirməni qorumaq üçün mümkün olan hər şeyi etməliyik”- deyə o bildirib.
Yoşida vurğulayıb ki, ölkədə müdafiə və təhlükəsizliklə bağlı üç əsas sənəd qəbul edilib və bu sənəd çərçivəsində digər məsələlərlə yanaşı, ölkənin müdafiə xərclərinin ÜDM-in 2 faizi səviyyəsinə mərhələli şəkildə artırılması planlaşdırılır.
Bundan əvvəl Yaponiya Müdafiə Nazirliyi KHI-yə gəmi əleyhinə yeni qanadlı raketin yaradılması barədə göstəriş verib.
Havar Şəfiyeva
Son şərhlər