Dünən gecə növbəti dəfə kilsəyə hücum edilib.
ANS PRESS-in məlumatına görə, bu dəfəki hədəf İsraildəki katolik kiləsəsi olub. Belə ki, bir neçə adam gecə saatlarında kilsəni yandırıb. Yanğın nəticəsində kilsənin içərisinə və xaricinə güclü ziyan dəyib. Bibliya və dua kitabları yanıb. Onun çöl divarında isə qırmızı spreylə bütə sitayiş etməkdən imtina etməyə çağıran yazı yazılıb.
Hadisə gecə baş verdiyindən ölən olmayıb. Yalnız rahib və bir kilsə könüllüsü tüstüdən zəhərlənərək xəstəxanaya yerləşdiriliblər. İsrail polisi kilsənin yandırılması ilə əlaqədar 16 nəfəri həbs edib. Onların hamısı yəhudi gəncləridir və 16-sı da dini yəhudi seminarında təhsil alırlar.
Qeyd edək ki, son bir neçə ildə ibadət yerlərinə hücumlar tez-tez baş verir. Onları çox zaman yəhudi ekstremistləri törədirlər. Keçən il də yəhudi gəncləri bir kilsəyə hücum edərək onu daşlamışdılar. Kilsənin qapı-pəncərələrini sındıran yəhudi gənclər oradakı skamyaları gölə atmışdılar.
Son şərhlər