Böyük Britaniya, Fransa və ABŞ xarici işlər nazirləri Kiyev tərəfindən “çirkli bomba” yaratması ilə bağlı xəbərləri rədd ediblər.
Elchi.az Amerikanın Səsinə istinadən xəbər verir ki, ABŞ Dövlət Departamenti ABŞ, Fransa və Böyük Britaniya hökumətlərinin Ukraynada vəziyyətin inkişafı ilə bağlı Rusiyanın hərbi təcavüzünü əks etdirən birgə bəyanat yayıb.
“Biz Fransa, Böyük Britaniya və ABŞ-ın xarici işlər nazirləri Rusiyanın davamlı təcavüzü qarşısında Ukraynanın suverenliyi və ərazi bütövlüyünə sarsılmaz dəstəyimizi bir daha bəyan edirik. Biz Ukraynanın öz ərazisini müdafiə etmək səylərini lazım olduğu müddətcə dəstəkləməyə davam etməkdə qərarlıyıq.
Bu gün hər bir dövlətimizin müdafiə nazirləri Rusiyanın müdafiə naziri Sergey Şoyqu ilə onun xahişi ilə danışıblar. Ölkələrimiz açıq şəkildə bildirdilər ki, biz hamımız Rusiyanın Ukraynanın öz torpağında “çirkli nüvə bombası” istifadə etməyə hazırlaşdığı barədə açıq-aşkar yalan iddialarını rədd edirik. Dünya bu bəyanatı eskalasiya üçün bəhanə kimi istifadə etmək cəhdini tanıyacaq. Biz həmçinin Rusiyanın hər hansı eskalasiya bəhanəsini rədd edirik”, – ABŞ Dövlət Departamentinin bazar günü axşam yaydığı bəyanatda deyilir.
Xarici işlər nazirləri həmçinin Ukraynaya və Ukrayna xalqına təhlükəsizlik sahəsində dəstəyi davam etdirmək və prezident Putinin Ukraynaya qarşı amansız təcavüzkar müharibəsi qarşısında ölkəyə iqtisadi və humanitar yardım göstərməyə davam etmək əzmlərini müzakirə ediblər.
Şəlalə
Son şərhlər