WhatsApp, Meta çətiri altında, 2025-ci ilin iyun yeniləməsi ilə “Kanallar” funksiyasını daha görünən və kommersiya xarakterli edən yeni alətlər təqdim etdi. Yeniləmə ilə tətbiqdə təkmil axtarış filtrləri, yenilənmiş kanal kataloqu və ödənişli tanıtım seçimləri təqdim edildi.
Elchi.az xəbər verir ki, “bu gün biz WhatsApp-da Kanallar və Status sekmesini ehtiva edən Yeniləmələr bölməsində yeni funksiyalar təqdim edirik. İllərdir ki, biz WhatsApp-da şəxsi söhbətləri kəsmədən biznes qurmağın yollarını axtarırıq. Biz bu tabın doğru yer olduğuna inanırıq”, – Meta açıqlamasında bildirib.
Yeni kataloq strukturu sayəsində istifadəçilər ölkə, populyarlıq və ya fəaliyyətə görə kanalları asanlıqla kəşf edə biləcəklər. Bu funksiyalar 2023-cü ildə qlobal miqyasda istifadəyə verilmiş Kanallar xidmətinə əsaslanaraq 150-dən çox ölkəyə genişləndirilir. Meta istifadəçilərin proqram daxilində məzmuna daxil olmasını asanlaşdırmaq məqsədi daşıyır.
Yeni yeniləmə ilə şirkətlər WhatsApp daxilində öz Kanallarını tanıtmaq üçün ödəniş edə biləcəklər. Bu, tətbiq daxilində hazırlanmış yeni reklam formatı deməkdir. Meta hələ ki, tanıtım xərcləri və hədəf meyarları ilə bağlı təfərrüatları açıqlamayıb.
Əvvəlcə Braziliya və Hindistanda tətbiq edilən bu ödənişli tanıtım alətləri pərakəndə satış, turizm və media sektorlarında şirkətlər tərəfindən istifadə edilmişdir. Uğurlu olarsa, modelin ABŞ və Avropa bazarlarına yayılacağı gözlənilir.
Meta-nın bu addımı Facebook və Instagram-da reklam gəlirlərinin azalmasına cavab olaraq WhatsApp-ı daha çox gəlir gətirən platformaya çevirmək strategiyasının bir hissəsidir. Dünyada 200 milyondan çox istifadəçiyə xidmət göstərən WhatsApp Business də bu strategiyanın mərkəzindədir.
Meta-nın ticarət və məzmuna yönəlmiş yeni funksiyaların WhatsApp-a inteqrasiyası proqramın şəxsi mesajlaşma tətbiqindən rəqəmsal ekosistem daxilində çoxşaxəli ünsiyyət və kəşf platformasına çevrilməsini nümayiş etdirir.
Şayəstə Hüseynova
