Yenilik yaxın aylarda istifadəyə veriləcək.
Elchi.az xəbər verir ki, WhatsApp-ın messencerdə kanalları olacaq, yeni funksiyanın görünüşü 8 iyun Cümə axşamı günü şirkət bloqunda elan edilib.
“Bu gün biz WhatsApp-dan çıxmadan insanlardan və təşkilatlardan vacib xəbərləri izləmək üçün sadə, təhlükəsiz və özəl üsul olan Kanalları təqdim edirik”, – deyə şirkətin açıqlamasında bildirilir.
Xidmət nümayəndələrinin qeyd etdiyi kimi, kanallar söhbətlərdən, eləcə də icmalardan ayrıca “Aktual” xüsusi nişanında yerləşdiriləcək. Kanal administratorları fotolar, videolar, mesajlar, həmçinin sorğular və stikerlər yerləşdirə biləcəklər. Bu vaxt abunəçilər onlara baxacaqlar.
Bildirilir ki, daha asan kanal axtarışı üçün messencer tərtibatçıları yerli dövlət qurumlarının xəbərləri, eləcə də hobbi ilə bağlı məzmunlu kanalların xüsusi kataloqunu təqdim edəcəklər.
“Siz istədiyiniz kanala kataloqda axtarış edərək və ya söhbətdə, e-poçtda və ya onlayn yayımlanan dəvətnamənin köməyi ilə gedə bilərsiniz”, – mesajda deyilir.
Administratorlar kimin kanallara abunə olmasına icazə verildiyinə nəzarət edə, həmçinin kataloq axtarışları üçün kanalları gizlədə biləcəklər.
Yeniliyin yaxın aylarda istifadəyə veriləcəyi bildirilir.
Şayəstə Hüseynova