Türkiyə Silahlı Qüvvələrinin rəsmi saytı baş vermiş insidentlə bağlı rəsmi açıqlama yayıb.

Açıqlamada deyilir:

“Türkiyə hava səmasına daxil olan və hansı ölkəyə aid olduğu bilinməyən təyyarə edilən bütün xəbərdarlıqlara baxmayaraq hava məkanımızı kobud şəkildə pozub. 5 dəqiqə içərisində 10 dəfə xəbərdarlıq etsək də, təyyarə uçuşlarına davam etdi. Nəticədə, “F-16”-lar vasitəsilə həmin təyyarəyə müdaxilə etdik”.

Rusiya tərəfi isə təyyarənin Türkiyə hava məkanını pozmadığını bildirib:

“Rusiya təyyarəsi Türkiyə hava məkanını pozmayıb. Bunu detallarına qədər sübut edəcəyik. Təyyarəmiz Suriya sərhədləri boyunca uçurdu və Türkiyə səmasına daxil olmayıb”.

Baş vermiş hadisə ilə bağlı NATO-dan da açıqlama gəlib:

“Vəziyyəti diqqətlə izləyirik. Türk rəsmiləri ilə yaxın təmasdayıq”.