Vurğun Əyyubdan kəskin açıqlamalar… (VİDEO)

Müsavat Partiyasının son qurultayından xeyli müddət keçsə də, partiyadaxili çəkişmələr səngimir. Bir-birinin ardınca tanınmış partiya üzvləri sıraları tərk edir. Hətta Müsavat Partiyasının parçalanacağını söyləyənlər də var. Bəs qurultaydan sonra narazılar arasında olan Müsavat Partiyasının tanınmış simalarından biri – Vurğun Əyyub nə düşünür? Onunla proseslərin doğurduğu suallara cavab tapmağa çalışdıq…

– Partiya yaratmaq məsələsini kim deyibsə, bəlkə sualı ona ünvanlayasınız?! Mən belə bir müzakirədə iştirak etməmişəm.

– Mən belə bir müzakirədə iştirak etməmişəm.

– Fraksiya barədə təkliflər olub, fikirlər var. Ancaq o müzakirələrdə də iştirak etməmişəm. Hesab etmirəm ki, fraksiya barədə təkliflər və fikirlər varsa, onlara hücum edib xəyanətdə günahlandırmaq lazımdır. Fraksiya, yaxud hansısa hərəkat yaratmaq, növbədənkənar qurultay çağırmaq barədə təkliflər bir-birinə mane olacaq işlər deyil.

– Vəhdətin yaranmasına totalitar təfəkkür tərziylə avtoritar idarəetmənin zahiri parıltılarına aldananlarla, istər ölkədə, istərsə də partiya daxilində demokratik mühitin genişləndirilməsini istəyən adamların arasındakı mübarizə mane olur.

– Tamamilə doğru müşahidədir. Bilirsiniz ki, Əliyev rejimi özünün avtoritar üsulu ilə məşğuldur. Müsavatçılar da partiyanı avtoritar tərzdə idarə etmək istəyən adamlarla mübarizə aparırlar.

– Siz, “deməli” sözünü artırıb öz fikirlərinizi mənim adımdan ifadə etməyin.

– Məntiq odur, İsa Qəmbərin müşahidəsi doğrudur.

– Bu sualı yəqin ki, İsa Qəmbərə verməlisiniz. Çünki mən də bu sualı ünvanlamışam, amma cavab gəlməyib.

– Hər kəs hər şeyi deyə bilər. Mən də belə deyirəm.

– Qurultayın nəticələri bir az çox ümumi söz oldu. Mən qurultayda keçirilən seçkinin nəticələrini qeyri-legitim hesab edirəm. Bu barədə də qurultayın səhərisi günü bildirmişəm.

– Siz də hesabda deyəsən mənim kimi zəifsiniz.

– Düz demirsiniz. İndiki nəticələrə görə, Arif Hacılı 3 səslə başqan olub. Çünki qurultayda 50 faizdən yuxarı səs 226 səs idi, o da 228 səs toplayıb. Deməli, 3 səslə Müsavat Partiyasının başqanı seçildiyini iddia edir.

– Yazanlar da sizin kimi hesablamada zəifdirlər.

– Mənim kimi niyə?

– Bəli.

– Çünki mən qurultay seçkilərinin ədalətsiz keçirildiyinin qənaətindəyəm. İlk günlər legitimlik mənim üçün şübhəliydi, sonra əldə etdiyim informasiyalar şübhəni aradan qaldırdı. Və mən qurultayın səsverməsinin nəticələrini legitim hesab etmirəm.

– Bir çox fakt var, mən cəmi ikisinin üzərində dayanıram. Müsavat Partiyasının Qurultaya Hazırlıq üzrə Təşkilat Komitəsinin iclasında səsvermə günü hansısa siyahıların paylanmasını qadağan edən müddəa vardı. Buna baxmayaraq, qurultayda kimlərin məclis üzvü seçilməsi, kimlərin MNTK-na üzv seçilməsi barədə siyahılar paylanmışdı. Həmin siyahılarda adı daha çox olan adamlar seçildilər. Məsələn, MNTK-ya yalnız siyahıda olanlar seçildi. Məclis üzvlərinin əksəriyyətini həmin siyahıda olanlar təşkil edib. Bəzilərinin fikrincə, siyahı paylamaq demokratiyaya zidd deyil, ola bilsin ki, belədir. Amma təlimatda bu məsələ qoyulmuşdu və yasaq edilmişdi. İkincisi, Qurultaya Hazırlıq üzrə Təşkilat Komitəsinin sənədində belə bir fikir də əksini tapmışdı ki, Müsavat Partiyasının başqanının nüfuzundan sui-istifadə etmək yolverilməzdir. Buna baxmayaraq, uzun illər Müsavat Partiyasının Təşkilat Şöbəsinə rəhbərlik etmiş Zöhrab Məhərrəmov şəxsən mənim gözümün qarşısında kənd, rayon təşkilatlarından gələn qurultay nümayəndələrinin qarşısını kəsib İsa Qəmbərin Arif Hacılını seçdiyini və onların da bu seçimə tabe olmalı olduqlarını deyirdi. Qurultayın başlanmasına 20 dəqiqə qalmış mən Təşkilat Komitəsinin sədri İsa Qəmbərə bu barədə dedim və onu bu hərəkətlərə son qoymağa çağırdım.

– Mən bu barədə mediada danışmışam, İsa bəyin cavabı belə oldu: “Çox şişirtməyin”.

– Siz başqalarına ünvanlayacaq sualları mənə niyə ünvanlayırsınız, bilmirəm.

– Mən öz mövqeyimi deyir və özümə aid olan suallara da cavab verirəm.

– Bu, onun fikridir, mən ona necə qadağa qoya bilərəm? Mən də hesab edirəm ki, o başqan deyil. Olduq heç-heçə.

– Mənim təəssüratım mənim üçündür. Lazım gələndə, deyəcəm.

– Ona baxarıq. Heç kəs zamanı qabaqlaya bilməz.

– Hələ nə qədər ki, bacarırıq, gedirik də. Mənim üçün Müsavat Partiyasında legitim olan heç bir orqan yoxdur. Çünki başqan seçkilərində ədalətsizliyə yol verilib, məclis, MNTK seçkisində, qurultaydan sonra seçilən sərbəst məclis üzvlərinin səlahiyyətinin təsdiqi qeyri-legitimdir. Ona görə ki, onların səlahiyyəti qurultay tərəfindən təsdiqlənməliydi. Yaxud qurultay məclisə öz səlahiyyətini verməliydi. Qurultay məclisə öz səlahiyyətini verməyib, qurultaydan bir gün sonra nümayəndələri toplayıb onların səlahiyyətini təsdiq etmək istəyərkən yetərsay olmayıb. Ona görə məclis tərəfindən təsdiq olunub, qurultay isə məclisə bu səlahiyyəti verməyib. Məclis ona səlahiyyət verilmədiyi halda MNTK üzvləri seçib, bu baxımdan partiyanın indiki fəaliyyətdə olan orqanlarının qərarları mənim üçün legitim deyil. Onlara görə məsuliyyət daşımıram, onların icrası da mənim üçün məcburi deyil. Təbii ki, tənqid etmək, düz yola çağırmaq, bu kimi vasitələrdən istifadə edib onları nizamnamə pozuntularına son qoymağa və partiyada demokratik ənənələrə hörmət etməyə çağırıram. Və Müsavat Partiyasının üzvü olaraq qalıram. Prosesin sonrakı gedişi, necə gedəcək, nələri diktə edəcək, ona yerində baxacağıq.

– Hər halda körpüyə çıxıb özümü atmayacam. Ola bilsin dedikləriniz gerçəkləşsin. Çünki qeyri-legitim orqanların hər cür qərar qəbul edəcəyi gözləniləndir. Qeyri-legitim olduqları üçün də onların qərarları mənim üçün heç bir əhəmiyyət daşımır. Nə qədər partiyadan istefa verən, çıxardılan dostlarım üçün üzülsəm də, bunu böyük bir faciə hesab etmirəm.

– Təbii. Mən növbədənkənar qurultay çağrılması təklifinin tərəfdarıyam. Bu, nizamnaməylə də təsbit olunub, Müsavat Partiyasının üzvlərinin belə bir hüququ var.

– Bunlar ritorikadır və mənim cavab vermək niyyətim yoxdur.

– Yox, mən belə deməzdim, bu cür qərar çıxartmaq tezdir. Əvvəla, mahiyyət tamamilə fərqlidir. Müsavat Partiyasında illər boyu Azərbaycan siyasi həyatı üçün bir çox tövhələr verilib. Əslində qurultay seçkilərində ədalətsizlik olmasına baxmayaraq, hətta VIII qurultayın özü belə Azərbaycan cəmiyyəti və demokratiya üçün bir nümunə idi. Bu nümunələrin heç biri nə AXCP, nə AMİP tərəfindən Azərbaycan cəmiyyətinə verilməyib. İkincisi, partiyadakı durumun motivləri fərqlidir, narazı tərəf partiyanın demokratik ənənələrinin inkişaf etdirilməsi tərəfdarıdır, nəinki geri çəkilməsi. Bu adamlar hələ Müsavat Partiyasından ayrılıb hansısa siyasi partiya yaratmaq barədə düşünmürlər. Bütün böhtan, qarayaxma kampaniyasına baxmayaraq, qurultaydan keçən müddət sübut edir ki, bu adamlar partiyanı parçalamaq, bölmək, partiya yaratmaq iddiasında olsaydılar, addımlarını qurultaydan dərhal sonra atardılar. Məntiq də bunu deyir. Amma fikir verirsinizsə, bu adamlar daha çox mövcud qüsurların aradan qaldırılması istiqamətində mübarizə aparırlar. Ümid etmək istəyirəm ki, Müsavat Partiyasının indiki rəhbərliyi nəhayət ki, özlərində güc tapacaq, hökm etmək, başqalarına mütləq yerini göstərmək ehtirasından əl çəkəcək və proseslərin yanlış istiqamətə yönəlməsinə imkan verməyəcək.

– Bu da Elnur bəyin fikridir. Adamlara fikrinə görə cəza vermək olmaz ki.

– Hər halda ümid etmək istəyirəm ki, pis şeylər olmaz.

– Son sualıma “Yeni Müsavat” qəzeyində Azər Rəşidoğlunun yazısı əsasında cavab almaq istərdim. O yazır: Proseslərin arxasından səsi o qədər də çıxmayan daha bir funksionerin kölgəsi görünür. Sovet DTK-nın polkovniki bu sətirlərin müəllifinə verdiyi müsahibədə o şəxsi 1988-ci ildə özünün agenti etdiyini vurğulamışdı. Deyəsən, düyünlər elə bununla açılır…”

– Mən, ümumiyyətlə, heç vaxt jurnalistlərin yazdıqlarını şərh etmirəm, “Yeni Müsavat” qəzetini isə oxumuram. İndi siz oxudunuz. “Çənlibel”, 1988-ci il hadisələri ayrıca bir söhbətin mövzusudur, DTK polkovnikinin dediklərini əsas kimi götürmək Sahib Məmmədov kimisinin dediklərini əsas götürməyə bənzəyir.

– Nə aidiyyatı var? DTK-ın polkovniki nə zaman düz söz danışa bilər? İkincisi, mən bilirəm ki, dediyiniz DTK polkovnikinin müsahibəsi təhrif olunub, üçüncü, o heç bir ad çəkməyib. Dördüncü, o, tamamilə başqa bir adamı nəzərdə tutur və tarixdən xəbərsiz olan adamlar dərhal buna şərh verdilər. Ki, “Çənlibel”in yeganə sədri Vurğun Əyyub olub. Bu, yalandır! Vurğun Əyyubu iki aylığına bir nəfər sədrlikdə əvəz edib. Tarixi məlumatları dəqiq olmayan adamlar yanlış nəticələr çıxarıb, onu cəmiyyətə sıramaq istəyirlər. Bilmirəm, bu söhbətin indiki məsələlərə nə qədər aidiyyatı var, mən o məsələlər haqqında danışmaq istəmirəm.

– Mən son qurultaydan ötən müddət ərzində həyatım boyu heç YAP-çılardan bu qədər böhtan, yalan, təhqir eşitməmişdim. Əslində, məni üzən məsələlərdən biridir və ağlıma belə gətirə bilməzdim ki, Müsavat Partiyasında hətta kiçik bir qrup olsa belə, bu dərəcədə böhtançı, məkrli, yalançı bir insanlar ola bilərmiş. Hər pis şeydə yaxşı cəhət varmış, o adamları da gördük və tanıdıq.