Volkswagen yüksək voltajlı batareyaların həddindən artıq qızmasından yaranan yanma riski səbəbindən 44 mindən çox avtomobilini geri çağırdığını açıqlayıb.
Elchi.az xəbər verir ki, geri çağırma qərarı, markanın populyar elektrikli SUV modeli ID.4-ün 2023-2025-ci illər arasındakı istehsalını əhatə edir. Milli Yol Təhlükəsizliyi İdarəsinin (NHTSA) açıqlamasına görə, təxminən 43,881 ədəd ID.4 avtomobil proqram təminatı yeniləməsi və lazım gəldikdə batareya dəyişimi üçün servisə çağırılacaq.
Geri çağırma daxilində olan avtomobillərdən xüsusilə 2023 və 2024-cü il modellərinə aid 670 ədəddə batareya hüceyrə modullarında hizalanma səhvlərinin yanma riskini daha da artırdığı müəyyən edilib.
Bu avtomobillərin sahiblərinə təmir tamamlanana qədər əlavə tədbirlər görmələri üzrə vacib xəbərdarlıqlar edilib:
Şarj prosesi başa çatdıqdan sonra avtomobilin açıq məkanda park edilməsi,
Bağlı məkanlarda gecə boyu şarj etməmək,
Səviyyə 3 DC sürətli şarj qurğularından istifadə etməmək,
Batareya şarj səviyyəsinin maksimum 80% ilə məhdudlaşdırılması.
Volkswagen rəsmi servis mərkəzləri geri çağırılan bütün avtomobillərdə proqram təminatı yeniləmələri və batareya yoxlamalarını pulsuz həyata keçirəcək.
Hatalı batareya hüceyrəsi olan avtomobillərdə isə modullar dəyişdirilərək təhlükəsizlik standartları təmin ediləcək. Şirkət açıqlamasında müştəri təhlükəsizliyinin prioritet olduğu və bütün avtomobillərin sürətli yoxlanması üçün NHTSA ilə yaxından əməkdaşlıq etdiyi bildirilib.
Bu geri çağırma qərarı, elektrikli avtomobil sektorunda yüksək voltajlı batareya sistemlərinə artan təhlükəsizlik həssaslığının bir hissəsi kimi qiymətləndirilir.
Avtomobil sahiblərinə məlumatlandırma məktublarının mart ayından etibarən göndəriləcəyi açıqlanıb.
Volkswagen ID.4 modelinin markanın ən sürətlə böyüyən elektrikli avtomobillərindən biri olduğunu vurğulayaraq, gələcək modellərdə oxşar problemlərin yaranmaması üçün əlavə təhlükəsizlik tədbirləri üzərində işlədiyini bildirib.
Məryəm
