Vətəndaş Hüquqlarının Müdafiəsi Naminə Hüquq Müdafiə Təşkilatına “xeberxetti.az”saytının redaksiyasından təcili məlumat daxil olub. Məlumatda bildirilir ki, saytda Laçın rayon İcra Hakimiyyətini və onun başçısı Akif Səlimovu tənqid edən materialın yayımlanmasının ardından – 09.01.2015 saat 15:29-da özünü İH başçısının müavini kimi təqdim edən şəxs (+99470)881 00 20 nömrəsindən saytın redaksiyaya zəng edərək Baş redaktor Sahil Rasimoğlunu ölümlə təhdid edib.
VHM söz azadlığına və şəxsi həyata qarşı yönələn bu addımı kəskin pisləyir və bəyan edir ki, son günlər Fransada yaşanan jurnalist qətliamından sonra Azərbaycanın adına xələl gətirəbiləcək qüvvələrin qarşısı operativ şəkildə alınmalıdır.
VHM bu hadisənin qarşısının alınması üçün hüquq mühafizə orqanlarını məsələyə ciddi müdaxilə etməyə və jurnalistin həyatını təhlükədən qorumağa çağırır.
VHM Mətbuat Xidməti
