Venesuela Birləşmiş Ştatların Karib hövzəsindəki hərbi fəaliyyətinin regional sülhü təhdid etdiyini bildirərək BMT Təhlükəsizlik Şurasının təcili iclasını çağırıb.
Elchi.az xəbər verir ki, Venesuela hökuməti Birləşmiş Millətlər Təşkilatının Təhlükəsizlik Şurasının (BMT TŞ) “fövqəladə sessiyası”nı ABŞ-ın Karib hövzəsindəki hərbi fəaliyyətlərini əsas gətirərək çağırıb.
Ölkənin BMT-dəki nümayəndəsi Samuel Monkada vasitəsilə göndərilən məktubda Vaşinqton administrasiyasının “rejim dəyişikliyi sxemi” həyata keçirdiyi və regional sabitliyi təhdid etdiyi iddia edilir.
Venesuelanın BMT-yə təqdim etdiyi rəsmi sənəddə ABŞ-ın Karib hövzəsində “görünməmiş” hərbi gücləndiyi bildirilir. Məktubda vurğulanır ki, Amerika qüvvələri Venesuela sahillərindən cəmi bir neçə mil aralıda yerləşdirilib və bu ölkənin suverenliyinə birbaşa təhlükə yaradır.
Mətndə ABŞ prezidenti Donald Tramp administrasiyasının Venesuelaya qarşı 1000-dən çox birtərəfli sanksiya tətbiq etdiyi və prezident Nikolas Maduronun tutulması üçün əsassız mükafat verdiyi qeyd edilib. Həmçinin iddia edilirdi ki, Vaşinqton “narkotiklərə qarşı müharibə” adı altında ölkənin təbii ehtiyatlarını ələ keçirməyə çalışır.
Venesuela ABŞ-ın hərbi addımlarının Latın Amerikasını nüvəsizləşdirən Tlatelolco müqaviləsini pozduğunu və bu addımların “Latın Amerikası və Karib hövzəsinin Sülh Zonası elan edilməsinə açıq-aşkar təhqir” olduğunu bildirib.
Məktubda həmçinin Karib dənizində Venesuela balıqçı gəmilərinə hücumlar və Venesuelanın hava məkanının əvvəlcədən xəbərdarlıq edilmədən pozulması iddia edilir. Karakas administrasiyası bu hadisələrin beynəlxalq ictimaiyyət tərəfindən dərhal qiymətləndirilməsinin vacibliyini vurğulayıb.
Venesuelanın dediyi kimi ABŞ ordusu lap yaxınlaşdı, bu yaxşı deyil. Həmyerlilərimiz üçün narahatlıq yaradır. BMT-nin Təhlükəsizlik Şurası bu məsələyə baxmalıdı. Ümid edək ki, hər şey sakitləşər.
Bu mövzuda Venesuelanın dediklərini tam dəstəkləyirəm. ABŞ-ın Karib dənizində belə addımlar atması heç yaxşı deyil, regionda sülhü pozur. BMT-nin də bu məsələyə reaksiya verməsi çox vacibdir. Bu cür hərəkətlərə son qoyulmalıdır.