Çinin xarici işlər naziri Vanq Yi bəyan edib ki, İsrail-Həmas münaqişəsində İsrailin hərəkətləri “özünümüdafiə həddini aşıb” və Qəzza xalqının kollektiv cəzalandırılmasına son qoyulmalıdır.
Elchi.az xəbər verir ki, Çin Xarici İşlər Nazirliyinin verdiyi açıqlamaya görə, nazir Vanq Səudiyyə Ərəbistanının xarici işlər naziri Feysəl bin Fərhan ilə telefonla danışıb.
Görüşdə Çinin mülki şəxslərə zərər verən, insan vicdanını və beynəlxalq hüququn əsas normalarını pozan hər cür hərəkətlərə qarşı olduğunu və qınadığını bildirən Vanq, ” İsrailin hərəkətləri özünümüdafiə həddini aşdı”,-deyib.
Çinli nazir vurğulayıb ki, İsrail beynəlxalq ictimaiyyətin və Birləşmiş Millətlər Təşkilatının Baş katibi Antonio Quterreşin çağırışlarına qulaq asmalı və “Qəzza xalqının kollektiv cəzalandırılmasını dayandırmalıdır”.
Bütün tərəflərin gərginliyi daha da artıracaq addımlardan qaçması və tezliklə danışıqlar masasına qayıtması lazım olduğunu bildirən Vanq, Çinin atəşkəsə nail olmaq və müharibəni dayandırmaq üçün intensiv təmasda olduğunu bildirib.
Çinin “Fələstinə yarım əsrdir ədalətsiz rəftar edildiyini və bunun artıq davam edə bilməyəcəyi” fikrində olduğunu vurğulayan Vanq, “Bütün sülhsevər və ədalətli ölkələr səslərini ucaltmalı və iki dövlətin tətbiqini tələb etməlidirlər.
Wang, Çinin Səudiyyə Ərəbistanı və digər ərəb ölkələri ilə “Fələstinin öz milli hüquqlarını əldə etmək üçün ədalətli davasını dəstəkləmək” və “Fələstin məsələsini iki dövlət əsasında ədalətli və daimi həll yoluna qoymaq” üçün işləməyə hazır olduğunu ifadə etdi.
Nuranə Məmmədova
Son şərhlər