Ümumdünya Səhiyyə Təşkilatı (ÜST) quş qripi (H5N1) virusunun pişiklərdən insanlara keçmə riskini aşağı olduğunu qeyd edib.
Elchi.az RİA.ru-ya istinadən məlumatına görə, bu barədə ÜST-nın baş direktoru Tedros Adhanom Qebreyesus Polşada heyvan infeksiyası ilə bağlı vəziyyəti şərh edərkən bildirib.
Xatırladaq ki, bundan əvvəl Polşa hakimiyyəti pişiklərin H5N1 virusuna yoluxması ilə bağlı 30-a yaxın hadisə barədə məlumat vermişdi. Xəstəliyin mənbəyi hələ də məlum deyil.
Qebreyesus qeyd edib ki, pişiklərdə H5N1 virusuna yoluxma halları əvvəllər də olub, lakin Polşada ilk dəfə olaraq geniş ərazidə çoxlu sayda xəstə heyvan qeydə alınıb.
Təşkilat rəhbərinin sözlərinə görə, H5N1 virusunun insandan insana asanlıqla keçdiyi sübut olunmasa da, insanlar üçün çox təhlükəli olduğu məlum olduğu üçün xüsusi narahatlıq doğurur.
Yeganə