Ümumdünya Səhiyyə Təşkilatının (ÜST) baş direktoru Tedros Adhanom Gebreyesus MV Hondius kruiz gəmisindəki hantavirus epidemiyası ilə bağlı xəbərdarlıqlar etdi.
Elchi.az xəbər verir ki, Parisdəki səhiyyə rəsmiləri gəmidə virusa yoluxan bir fransız qadının vəziyyətinin ağır olduğunu və reanimasiyada süni tənəffüs aparatına qoşulduğunu bildirdilər.
Madriddə keçirilən mətbuat konfransında çıxış edən Gebreyesus, İspaniyaya çətin vəziyyətdə olan gəmini qəbul etməkdə göstərdiyi “mərhəmət və həmrəyliyə” görə təşəkkür etdi.
Mövcud vəziyyətin daha böyük bir epidemiyaya işarə etmədiyini qeyd edən Gebreyesus dedi: “Lakin, inkubasiya dövrünün uzunluğu nəzərə alınmaqla, yaxın həftələrdə yeni halların şahidi olacağıq.”
İndiyə qədər Argentinadan Kabo-Verdeyə üzən MV Hondius gəmisindəki epidemiya nəticəsində biri alman, ikisi hollandiyalı olmaqla üç sərnişin ölüb. ÜST virusun “Andes” variantı ilə doqquz halı təsdiqləyib, gəmidən təxliyə edilənlər arasında bir fransız və bir ABŞ vətəndaşının testi müsbət çıxıb.
Şayəstə
