Ümumdünya Səhiyyə Təşkilatının Beynəlxalq Xərçəng Araşdırmaları Agentliyi (IARC) xərçəngin qlobal yükü ilə bağlı son hesablamalarını dərc edib.
Elchi.az xəbər verir ki, IARC 2050-ci ildə 35 milyondan çox yeni xərçəng hadisəsinin olacağını proqnozlaşdırır və bunun 2022-ci illə müqayisədə 77 faiz artım olduğunu vurğulayır.
IARC-in 2022-ci ildə ölkələrdə mövcud olan ən yaxşı məlumat mənbələrinə əsaslanan təxminləri xərçəngin artan yükünü, onun xidmət göstərilməyən əhaliyə qeyri-mütənasib təsirini və dünya miqyasında xərçəng bərabərsizliyinin aradan qaldırılmasının təcili ehtiyacını vurğulayır. Müvafiq olaraq, 2022-ci ildə təqribən 20 milyon yeni xərçəng hadisəsi və 9,7 milyon ölüm hadisəsi olacaq.
ÜST həmçinin bəyan edib ki, ağciyər xərçəngi xərçəngdən ölümlərin əsas səbəbidir, ondan sonra kolorektal xərçəng, qaraciyər xərçəngi, döş və mədə xərçəngi gəlir. Gender əsaslı məlumatlarda qadınlarda ən çox görülən xərçəng növünün döş xərçəngi, kişilərdə isə ən çox görülən xərçəng növünün ağciyər xərçəngi olduğu ifadə edildi.
Nuranə Məmmədova