Yeni bir araşdırmaya görə, dünya miqyasında uşaqlarda və yeniyetmələrdə yüksək təzyiq nisbəti 2000-ci ildən bəri təxminən iki dəfə artıb. Mütəxəssislər xəbərdarlıq edirlər ki, bu artım sonrakı həyatda ürək xəstəliyi riskini əhəmiyyətli dərəcədə artıra bilər.
Elchi.az xəbər verir ki, Zhejiang Universiteti Tibb Məktəbindən Dr. Peige Song da daxil olmaqla tədqiqat qrupu öz nəticələrini The Lancet Child and Adolescent Health jurnalında dərc edib.
Tədqiqata görə, 2000-ci ildə oğlanlarda 3,4 faiz, qızlarda isə 3 faiz olan yüksək təzyiqin yayılması 2020-ci ildə müvafiq olaraq 6,5 faiz və 5,8 faizə yüksəlib.
“Dəyişdirilə bilən risk”
Harvard Tibb Məktəbindən Dr. Mingyu Zhang uşaqlıqda yüksək təzyiqin başlamasının sonrakı həyatda ürək xəstəliyi üçün əhəmiyyətli bir risk faktoru olduğunu bildirib.
Dr. Song sağlam qidalanma və çəki nəzarəti vasitəsilə erkən müdaxilənin mümkün olduğunu vurğulayaraq, “Bu, dəyişdirilə bilən riskdir” deyib.
Şayəstə
