Avropa İttifaqının Ukraynaya verdiyi maliyyə yardımı son iki ildə ABŞ-ın maliyyələşdirməsini dörd faiz üstələyib. Elchi.az xəbər verir ki, bu barədə RİA Novosti Avropa Komissiyası, Amerika hökuməti və Ukrayna Maliyyə Nazirliyinin məlumatlarına istinadən məlumat yayıb.
Agentliyin qeyd etdiyi kimi, Brüssel sentyabrın əvvəlində Kiyevə dəstək üçün Vaşinqtondan aldığı 21,7 milyard dollara qarşı 22,6 milyard dollar ayırıb. 2023-cü ildə Aİ-dən maliyyə axını 1,8 dəfə artaraq 14,6 milyard dollara, Amerika tərəfdən daxilolmalar isə 19 faiz azalaraq 9,8 milyard dollara çatıb.
O da diqqətə çatdırılıb ki, avropalıların Ukraynaya vəd etdiyi yardımın həcmi ABŞ-dan gələn maliyyə axınından təxminən üç dəfə çoxdur və təxminən 80 milyard dollara çatır.
Bundan əvvəl məlum olub ki, ABŞ prezidenti Co Baydenin administrasiyası Konqresin əlavə vəsaitin ayrılması barədə qərarı olmadığı halda Dövlət Departamentinin qrant və kredit proqramından Kiyevə silah tədarükü üçün vəsait mənbəyi kimi istifadə edə bilər.
Bu variant Ağ Evin nəzərdən keçirdiyi Ukraynaya yardım vəsaitlərinin ayrılması prosesində fasilələrin qarşısını almağın yollarından biridir.
Havar Şəfiyeva
Son şərhlər