Ukraynadakı münaqişə bilərəkdən və ya istəmədən nüvə müharibəsinə çevrilə bilər. Elchi.az xəbər verir ki, bu barədə Nobel Sülh Mükafatlı Nüvə Silahlarının Ləğv Edilməsi üzrə Beynəlxalq Kampaniya təşkilatının siyasət və araşdırmalar üzrə koordinatoru Alisiya Sanders-Zakre RİA Novosti-yə xəbərdarlıq edib.
O qeyd edib ki, son iki ildə nüvə eskalasiyası ilə bağlı ritorika və təhlükəli davranışlarda artım müşahidə olunub. “Bütün nüvə silahına malik dövlətlər və onların müttəfiqləri qısamüddətli ritorikalarında diqqətli olmalıdırlar”, – ekspert bildirib.
Sanders-Zakre əlavə edib ki, qlobal vəziyyət bir neçə nüvə silahına malik ölkənin aktiv münaqişələrə cəlb olunması ilə mürəkkəbləşib. Nüvə müharibəsinin qarşısını almağın yeganə zəmanətli yolu bu cür silahları aradan qaldırmaqdır, deyə o, yekunlaşdırıb.
2023-cü ildə Sanders-Zakre Lenta.ru-ya açıqlamasında bəşəriyyətin bir neçə dəfə nüvə müharibəsi astanasında olduğunu və bunun yalnız xoşbəxt bir təsadüf sayəsində qarşısının alındığını söyləyib. O, 1983-cü ildə ABŞ-ın raket hücumuna qarşı sovet raket xəbərdarlığı sisteminin yanlış həyəcan siqnalını möcüzəvi şəkildə aradan qaldırılan qlobal münaqişəyə misal çəkib.
Havar Şəfiyeva
Son şərhlər