Ukraynada aparılan araşdırmalar dəhşətli mənzərəni üzə çıxardı

Ukrayna mətbuatında dərc olunan xəbərlərdə ümummilli araşdırmanın dəhşətli mənzərəni üzə çıxardığı bildirilir. Elchi.az xəbər verir ki, ötən il ölkə üzrə cəmi 187 min uşaq doğulub. Ekspertlər bildirirlər ki, bu rəqəmə Avropada və Rusiyanın ilhaq etdiyi ərazilərdə doğulan körpələr də var. Kütləvi informasiya vasitələrinin məlumatına görə, bu qədər az uşaq ən azı 300 ildir doğulmayıb. Qeyd olunur ki, hətta 18-ci əsrdə 5,7 milyonluq əhalidə təxminən 280 min yeni körpə doğulub. Kiyev administrasiyasına qarşı çıxan bəzi siyasətçilər hazırkı Kiyev administrasiyası və prezident Vladimir Zelenskinin bəzi siyasətləri səbəbindən Ukraynanın demoqrafik uçurumun astanasında olduğunu bildirirlər. Eyni mənbələrə görə, onun əhalisi xüsusilə 2022-ci ildən sonra ölkədən köçənlər hesabına sürətlə azalıb və yaxın illərdə Ukraynada cəmi 19 milyon insan qalacaq. Xüsusilə ölkədə ilk qaynar qarşıdurmaların başladığı 2014-cü ildə başlayan köç Rusiya ordusunun ölkənin şərqinə daxil olması ilə pik həddinə çatıb. Milyonlarla ukraynalı Avropaya və ya Rusiyaya getdi. Yüz minlərlə adam toplanıb cəbhəyə göndərildi. Bütün bu amillər ölkədə əhali böhranına səbəb olur. Şayəstə Hüseynova