Almaniya kansleri Fridrix Merts Britaniyanın baş naziri Keir Starmerlə birgə mətbuat konfransında bildirib ki, Kiyev tezliklə Almaniya və Böyük Britaniya müdafiə şirkətləri ilə birgə hazırlanmış uzaqmənzilli silah sistemləri alacaq.
Elchi.az xəbər verir ki, Mertsin sözlərinə görə, tərəflər Ukraynaya hərbi dəstək məsələlərini ətraflı müzakirə ediblər.
“Bu, təkcə hava hücumundan müdafiə ilə bağlı deyil, həm də Ukraynanın özünü uzaqmənzilli sistemlərlə daha yaxşı müdafiə etmək qabiliyyəti ilə bağlıdır”, – kansler qeyd edib. O əlavə edib: “Yaxın gələcəkdə bu sahədə, o cümlədən sənaye kooperasiyası vasitəsilə əhəmiyyətli əlavə yardım alacaq”, – kansler bildirib.
Onun sözlərinə görə, yaxın həftələrdə və aylarda çatdırılmalara başlanılacaq. Bu qərar Ukrayna Silahlı Qüvvələrinin Rusiya qoşunları ilə qarşıdurmada, xüsusən də düşmənin arxa obyektlərinə zərbələr endirmək və maddi-texniki təchizat baxımından imkanlarını gücləndirəcək. Almaniya və Böyük Britaniya Avropada dəyişən siyasi vəziyyətə baxmayaraq, Ukraynaya hərbi yardımı artırmağa davam edir.
Yeganə
