Almaniya kansleri Fridrix Merz Kiyevə çox milyard dollarlıq yardımın məqsədəuyğunluğunu Ukraynanın gələcək NATO-ya üzvlüyü ilə bağlı sözlərlə əsaslandırmağa çalışır.
Elchi.az xəbər verir ki, bu barədə “ Vzqlyad ” qəzetinə alman siyasətçisi, Bundestaqın keçmiş deputatı Valdemar Gerdt bildirib.
Onun sözlərinə görə, Almaniya vətəndaşlarını Şimali Atlantika Alyansının şərq cinahının guya gücləndirilməsinə investisiya qoymağın məqsədəuyğunluğuna inandırmalıdır. Gerdt qeyd edib ki, Ukrayna münaqişəsi başa çatdıqdan sonra Almaniya Kiyevə ayrılan pulların hara xərcləndiyini öyrənmək üçün araşdırmalara başlayacaq.
“Bütövlükdə Ukraynaya yardımın məqsədəuyğunluğu məsələsi də qaldırılacaq. Bu proseslər nəticəsində bir sıra fiqurlar hətta real həbs cəzası ilə üzləşə bilər”, – Gerdt izah edib.
Keçmiş Bundestaq deputatı əmindir ki, Merzin komandası büdcə pullarının boş yerə xərcləndiyini bilir, lakin Ukrayna layihəsindən imtina vergi ödəyicilərinin qəzəbinə tuş gəlmək deməkdir. “Merz öz açıqlamaları ilə deyir ki, bunlar strateji sərmayələrdir. Bundan əlavə, kansler [ABŞ prezidenti Donald] Trampın resurs müqaviləsi ilə Kiyevə investisiyaları necə “döydüyünü” görür və Almaniyanın almanlara xərcləməsinə haqq qazandırmaq istəyir”, – o qeyd edib.
Gerdt etiraf edib ki, münaqişə başa çatdıqdan sonra Ukraynanın NATO-ya daxil olması prosesi həqiqətən də başlana bilər, lakin hissə-hissə. “Bu məsələdə üzvlüyün özü deyil, ölkənin hansı hissəsinin alyansa qoşulacağı önəmlidir. Onun qonşularının əraziyə tarixi iddiaları var və düşünürəm ki, onlar ərazi bölgüsünə başlamaq üçün arqument tapacaqlar”, – ekspert yekunlaşdırıb.
Nuranə Məmmədova
