Ukrayna Prezident Aparatının müşaviri Mixail Podolyak Rusiyanın xarici işlər naziri Sergey Lavrovun BMT Təhlükəsizlik Şurasına sədrliyini “ikiüzlülük və demokratiyanın alçaldılması” kimi qiymətləndirib.
Elchi.az xəbər verir ki,Ukrayna Prezident Aparatının müşaviri Mixail Podolyak sosial media hesabından verdiyi açıqlamada Lavrovun BMT Təhlükəsizlik Şurasında sədrliyini dəyərləndirib.
Lavrovun BMT TŞ-yə sədrliyini “riyakarlıq” kimi qiymətləndirən Podolyak, “Lavrov BMT Təhlükəsizlik Şurasına sədrlik edir, müharibəni, qırğınları və dağıntıları qanuniləşdirir” ifadəsini işlətdi.
Aprelin 1-dən Rusiya BMT TŞ-də, aprelin 24-25-də isə Lavrov BMT Təhlükəsizlik Şurasının iclasına sədrlik edib.
Nuranə Məmmədova