Türkiyə prezidentinin köməkçisi və hökumət sözçüsü Numan Kurtulmuş El Babda olan türk əsgərlərinin binasının “səhvən vurulması” və 3 əsgərin həyatını itirməsi ilə bağlı açıqlama verib.
Musavat.com Türkiyə mətbuatına istinadən xəbər verir ki, hadisənin bütün detallarının aydınlaşdırılması üçün araşdırma aparılacağını bildirən N.Kurtulmuş deyib: “İlkin məlumatlar göstərir ki, hadisə koordinatların yanlışlığı ucbatından baş verib. Yanlış koordinasiya təəssüf ki, istəkdən aslı olmadan meydana gələn bir hadisədir. Səhvən olğunu deyə bilərik, lakin hadisənin necə meydana gəldiyini, koordinasiya yanlışlığının necə gözdən yayındığını ortaya qoymalıyıq”.
Kremlin sözçüsü Dimitri Peskov da verdiyi açıqlamada Rusiya təyyarələrinin Türkiyədən verilən koordinatlar əsasında əməliyyat keçirdiklərini vurğulayıb.
Son şərhlər