Dövlət başçısı Ərdoğan baş nazirin müavini və Mərkəzi Bankın rəhbəri ilə bunu müzakirə edib
Dolların dəyər qazanması, həmçinin neftin qiymətinin düşməsindən dolayı dünyada baş verən proseslər Türkiyədə ən yüksək səviyyədə müzakirə mövzusu olub. Musavat.com Türkiyə mətbuatına istinadən bildirir ki, Türkiyənin prezidenti Rəcəb Tayyib Ərdoğan baş nazirin müavini Əli Babacan və Mərkəzi Bankın rəhbəri Erdem Basçı ilə görüşüb. Görüşdən sonra mediaya verilən açıqlamada bildirilir ki, dövlət başçısı ilə görüşdə müzakirə mövzusu faiz və istehsalla bağlı həssas məqamlar olub.
Ərdoğanın keçirdiyi iki saatlıq görüşdə Türkiyənin 2023-cü il hədəfləri istiqamətində mövcud güvən və sabitlik mühitinin ciddi-cəhdlə mühafizəsi də müzakirə edilib. Bunun vacib olduğu vurğulanıb, baş verənlərin bütün iqtisadi bölmələr tərəfindən prosesin yaxından izlənildiyi diqqətə çatdırılıb.
Həmçinin, bildirilib ki, lazımi tədbirlər də görülməkdədir. Görüşdə qlobal çevrələrdəki inkişaflar, dəyişmələr, bunların ölkəyə təsirləri müzakirə edilib və qiymətləndirilib.
Son şərhlər