Türkiyənin Müdafiə Texnologiyaları Mühəndislik və Ticarət Şirkəti (STM) Azərbaycan Hərbi Dəniz Qüvvələrinin ehtiyaclarına uyğun məhsulların hazırlanması üzrə danışıqlar aparır.
Elchi.az “Anadolu”ya istinadən xəbər verir ki, bu barədə şirkətin baş direktoru Özgür Güləryüz bildirib.
O, “Texnofest Azərbaycan”da təqdim etdikləri məhsullara böyük maraq olduğunu vurğulayıb.
“STM-nin əsas sahəsi mühəndislikdir. MİLGƏM, sualtı gəmilərin modernizasiyası layihələrində mühəndislik bacarıqlarımıza əsaslanan həll yolları tapırıq. Azərbaycanda da buna çalışırıq. Hazır bir məhsul deyil, Azərbaycan Hərbi Dəniz Qüvvələrinin ehtiyaclarına uyğun nə cür məhsullar istehsal edilə bilər, nə kimi platformalarla ehtiyacları qarşılaya bilərik, bu məsələlər üzərində işləyirik. Azərbaycan Hərbi Dəniz Qüvvələri ilə danışılaraq onların ehtiyaclarına uyğun təqdim etdiyimiz məhsullar var. Gözləntiləri olan yüksək sürətli silah sistemlərini, olduqca güclü, kiçik həcmi ilə effektiv və sürətli şəkildə həll yolu tapa biləcək platformaları, buna cavab ola biləcək məhsulları bura gətirmişik”, – Güləryüz qeyd edib.
Son şərhlər