Türkiyənin Adana şəhərində polis ABŞ-ın İncirlik hərbi bazasına soxulmağa cəhd edən nümayişçilərə qarşı gözyaşardıcı qaz və su şırnaqlarından istifadə edib. Elchi.az xəbər verir ki, bu barədə “DHA” agentliyi məlumat yayıb.
“Atlı polis və məmurlar nümayişçiləri dağıtmaq üçün gözyaşardıcı qaz və su şırnaqlarından istifadə ediblər”, – deyə agentlik yazıb.
“Fələstinə Azadlıq Karvanı” adlı tədbirin Türkiyənin “İnsan Haqları və Azadlıqları” humanitar yardım fondu tərəfindən təşkil edildiyi dəqiqləşir. Etirazçılardan ibarət karvan İstanbuldan ayrılaraq İncirlik bazasına çatdı və daha sonra onlara digər şəhərlərdən öz təşəbbüsləri ilə başqa maşınlar da qoşulub.
Agentliyin məlumatına görə, aksiya dinc xarakter daşıyıb, iştirakçıları Qəzza zolağında vəziyyətin gərginləşməsi fonunda bazanın bağlanmasını tələb ediblər.
Havar Şəfiyeva
Son şərhlər